ନୂଆଦିଲ୍ଲୀ,୧୮।୫: ଦେଶର ଜଣେ ଜଣାଶୁଣା କୁସ୍ତି ଖେଳାଳି ‘ଦ ଗ୍ରେଟ୍ ଖଲି’ କିଏ ବା ନ ଜାଣେ ନାହିଁ। ସେ ଅନେକ ଅନ୍ତର୍ଜାତୀୟ ପ୍ରତିଯୋଗିତାରେ ଜିତିଛନ୍ତି। ଯଦିଓ ବର୍ତ୍ତମାନ ତାଙ୍କୁ ରିଙ୍ଗରେ କୁସ୍ତି ଦେଖାଯାଉ ନାହିଁ, କିନ୍ତୁ ତାଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତାଙ୍କର ଆଉ ଏକ ଭିଡିଓ ଭାଇରାଲ ହେବାରେ ଲାଗିଛି। ଏଥିରେ ସେ ଦୁନିଆର ସବୁଠାରୁ ଛୋଟ ମହିଳାଙ୍କ ସହ ମଜା କରୁଥିବା ଦେଖିବାକୁ ମିଳିଛି।
ନିକଟରେ ଦୁନିଆର ସବୁଠାରୁ ଛୋଟ ମହିଳା ଜ୍ୟୋତି ଆମ୍ଗେ ଖଲିଙ୍କୁ ଭେଟିଥିଲେ, ଯାହା ପରେ ଖାଲି ତାଙ୍କୁ ଗୋଟିଏ ହାତରେ ଉଠାଇଥିଲେ। ଏହି ସମୟ ମଧ୍ୟରେ ଜ୍ୟୋତି ମଧ୍ୟ ହସିବା ଏବଂ ଲାଜ ଲାଗୁଥିବା ଦେଖାଯାଏ।
ଭିଡିଓରେ ଦେଖିପାରିବେ ଯେ, ଖଲି କିପରି ଖେଳନା ପରି ଜ୍ୟୋତିଙ୍କୁ ଉଠାଇ ନେଇ ହାତ ବୁଲାଇବାକୁ ଲାଗିଲେ, ଏହି ସମୟରେ ଜ୍ୟୋତି ବହୁତ ହସୁଥିବାର ଦେଖାଯାଇଥିଲା। ଏହି ମଜାଦାର ଭିଡିଓ ଖଲି ନିଜେ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଶେୟାର କରିଛନ୍ତି, ଯାହା ଏପର୍ଯ୍ୟନ୍ତ ୪୭ ମିଲିୟନରୁ ଅଧିକ ଅର୍ଥାତ୍ ୪.୭ କୋଟି ଥର ଦେଖାଯାଇଥିବାବେଳେ ୧.୭ ମିଲିୟନ ଅର୍ଥାତ୍ ୧୭ ଲକ୍ଷ ଲୋକ ମଧ୍ୟ ଏହି ଭିଡିଓକୁ ପସନ୍ଦ କରିଛନ୍ତି ।
ଖଲିଙ୍କ ଉଚ୍ଚତା ୭ ଫୁଟ ୧ ଇଞ୍ଚ ହୋଇଥିବାବେଳେ ଜ୍ୟୋତିଙ୍କ ଉଚ୍ଚତା ମାତ୍ର ୬୧.୯୫ ସେଣ୍ଟିମିଟର (୨ ଫୁଟ)। ଭାରତର ନାଗପୁରରେ ଜନ୍ମିତ ଜ୍ୟୋତିଙ୍କ ନାମ ଗିନିଜ ୱାଲର୍ଡ ରେକର୍ଡରେ ଲିପିବଦ୍ଧ ହୋଇଛି।