ନୂଆଦିଲ୍ଲୀ,୨୪।୩: ଦେଶର ଘରୋଇ ବ୍ରୋକିଂ ଶିଳ୍ପ ପାଇଁ ୨୦୨୨-୨୩ ଆର୍ଥିକ ବର୍ଷରେ ରାଜସ୍ବ ଅଭିବୃଦ୍ଧି ୫% ଅର୍ଥାତ୍ ମଧ୍ୟମ ଶ୍ରେଣୀର ରହିବ ବୋଲି ଅନୁମାନ କରାଯାଉଥିବା ଇନ୍ଭେଷ୍ଟମେଣ୍ଟ ଇନ୍ଫର୍ମେସନ୍ ଆଣ୍ଡ କ୍ରେଡିଟ୍ ରେଟିଂ ଏଜେନ୍ସି ଅଫ୍ ଇଣ୍ଡିଆ ଲିମିଟେଡ୍ (ଆଇସିଆର୍ଏ) ପକ୍ଷରୁ ସୂଚନା ଦିଆଯାଇଛି। ଚଳିତ ଆର୍ଥିକ ବର୍ଷ ଅର୍ଥାତ୍ ୨୦୨୧-୨୨ ଆର୍ଥିକ ବର୍ଷ ପାଇଁ ବ୍ରୋକିଂ ଶିଳ୍ପରେ ୨୮,୦୦୦କୋଟିର ରେଭେନ୍ୟୁ ରେକର୍ଡ କରାଯିବ ବୋଲି ଆଶା କରାଯାଉଛି। ଏହି ଚଳିତ ବର୍ଷର ରେଭେନ୍ୟୁ ହାର ଗତ ଆର୍ଥିକ ବର୍ଷ, ୨୦୨୦-୨୧ ଆର୍ଥିକ ବର୍ଷ ତୁଳନାରେ ୩୦% ଅଧିକ ରହିବ। ତେବେ ଆସନ୍ତା ଆର୍ଥିକ ବର୍ଷ ପାଇଁ ଆନୁମାନିକ ରାଜସ୍ବ ଅଭିବୃଦ୍ଧି ଏକ ଅଙ୍କକୁ ଅର୍ଥାତ୍ ୫%କୁ ଖସିଆସିବ। ବିଭିନ୍ନ ଘରୋଇ ତଥା ଅନ୍ତର୍ଜାତୀୟ ସୂତ୍ର ଯୋଗୁ ବଜାର ଅସ୍ଥିର ରହିବ ବୋଲି ଆଶା କରାଯାଉଛି। କାରବାର ପରିମାଣ କିଛିମାସ ପର୍ଯ୍ୟନ୍ତ ଅଭିବୃଦ୍ଧି ଘଟିବ ବୋଲି ଏଜେନ୍ସି ପକ୍ଷରୁ ରିପୋର୍ଟ କରାଯାଇଥିଲେ ମଧ୍ୟ ମୁଖ୍ୟ ରୂପରେ ଡେରିଭେଟିଭ୍ ସେଗ୍ମେଣ୍ଟ ଦ୍ୱାରା ପରିଚାଳିତ ଦୀର୍ଘସ୍ଥାୟୀ ପୁଞ୍ଜିବଜାରଗୁଡ଼ିକ ଅର୍ଥ ସେଗ୍ମେଣ୍ଟ କାରବାର ଏବଂ ଅନ୍ୟାନ୍ୟ ସହଯୋଗୀ ପୁଞ୍ଜିବଜାର ଉପରେ ପ୍ରଭାବ ପକାଇପାରେ। ତେଣୁ ଏହି ସମ୍ପୂର୍ଣ୍ଣ ପ୍ରକ୍ରିୟା ବ୍ରୋକିଂ ଶିଳ୍ପକୁ ଅନେକ ମାତ୍ରାରେ ପ୍ରଭାବ ପକାଇପାରେ ବୋଲି ଆର୍ଥିକ କ୍ଷେତ୍ର ମୂଲ୍ୟାୟନ, ଆଇସିଆର୍ଏ ରେଟିଂର ଉପସଭାପତି ସମୃଦ୍ଧି ଚୌଧୁରୀ କହିଛନ୍ତି। ସୂଚନାଯୋଗ୍ୟ, ଚଳିତ ଆର୍ଥିକ ବର୍ଷର ପ୍ରଥମ ୯ ମାସରେ ହାରାହାରି ଦୈନିକ କାରବାର, ପୂର୍ବ ଆର୍ଥିକ ବର୍ଷରେ ଏହି କାରବାର ୨୮ ଟ୍ରିଲିୟନ୍ ଅପେକ୍ଷା ୨.୩ଗୁଣ ବୃଦ୍ଧି ପାଇ ୬୩ ଟ୍ରିଲିୟନରେ ପହଞ୍ଚିଛି।