ଢେଙ୍କାନାଳ ଅଫିସ,୧୫।୨: ଢେଙ୍କାନାଳ ଟାଉନ ଥାନା ଭିଏଚ୍ଏଫ୍ ବିଭାଗରେ କାର୍ଯ୍ୟରତ ମହିଳା କନଷ୍ଟେବଳ ସୁନିତା ନାୟକଙ୍କ ଝୁଲନ୍ତା ମୃତଦେହ ବୁଧବାର ରିଜଭର୍ର୍ ଲାଇନ ପୋଲିସ କ୍ୱାଟରରୁ ଜବତ ହୋଇଛି। ସୁନିତାଙ୍କ ସ୍ବାମୀ ଗଣେଶ୍ୱର ନାୟକ ରିଜର୍ଭ ପୋଲିସରେ କାର୍ଯ୍ୟରତ ଅଛନ୍ତି। ଗତକାଲି ସେମାନଙ୍କ ମଧ୍ୟରେ କଳହ ହୋଇଥିଲା ଓ କେହି ଖିଆପିଆ ମଧ୍ୟ କରି ନ ଥିବା ସ୍ଥାନୀୟ ଲୋକେ କହିଛନ୍ତି। ବେଡ଼ରୁମ ପାଖ ଆଉ ଏକ କୋଠରୀରୁ ଓଢଣୀରେ ତାଙ୍କର ଝୁଲନ୍ତା ମୃତଦେହ ଦେଖିବାକୁ ମିଳିଥିଲା। ଟାଉନ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ସୁନିତା ୨୦୧୧ ମସିହାରେ ବିବାହ କରିଥିଲେ ତାଙ୍କର ୯ ବର୍ଷର ପୁଅ ଓ ୫ ବର୍ଷର ଝିଅ ଦୁଇଜଣ ଅଛନ୍ତି । ଉଭୟ ସ୍ବାମୀ ସ୍ତ୍ରୀଙ୍କ ମଧ୍ୟରେ ତିକ୍ତତା ଲାଗିରହିଥିବା ବେଳେ ଏହା ଆତ୍ମହତ୍ୟା ନା ହତ୍ୟା ତାହା ସ୍ପଷ୍ଟ ଜଣାପଡ଼ି ନାହିଁ ।