କୁକୁଡ଼ା ସମ୍ପର୍କରେ ଅନେକ କଥା ଶୁଣିଥିବେ। ଏମାନେ ଅତ୍ୟନ୍ତ ନିରୀହ ପ୍ରାଣୀ। ବିଶେଷକରି ଲୋକମାନଙ୍କର ଆହାରରେ ଲାଗିଥାନ୍ତି। ମାତ୍ର ବେଳେବେଳେ କୁକୁଡ଼ା ଯେ, କେତେ ଆକ୍ରମଣାତ୍ମକ ହୋଇପାରେ ତାହା ହୁଏ ତ ଦେଖି ନ ଥିବେ। ନିକଟରେ ସୋସିଆଲ ମିଡିଆରେ ଏମିତି ଏକ କୁକୁଡ଼ାର ଫଟୋ ଏବଂ ଭାଇରାଲ ହୋଇଛି। ଯାହା ଦେଖିଲେ ଆଶ୍ଚର୍ଯ୍ୟ ହେବେ।
ଜଣେ ଯୁବତୀ ସାଙ୍ଗମାନଙ୍କ ସହ ବୁଲିବାକୁ ଯାଇଥିଲେ। ତାଙ୍କ କ୍ୟାମ୍ପସରେ ଥିବା ଏକ କୁକୁଡ଼ା ଏହି ଯୁବତୀଙ୍କ ଉପରେ ଆକ୍ରମଣ କରିଥିଲା। ଏକ ଧଳା ରଙ୍ଗର କୁକୁଡ଼ା ଯୁବତୀଙ୍କ ନିକଟକୁ ଦୌଡୁଥିବା ଦେଖିବାକୁ ମିଳିଛି। ଏହା ଇଣ୍ଡୋନେସିଆର ବୋଲି କୁହାଯାଉଛି। ତଥାପି ସ୍ଥାନ ବିଷୟରେ ଏପର୍ଯ୍ୟନ୍ତ କିଛି ନିଶ୍ଚିତ ହୋଇନାହିଁ। ଫଟୋରେ ଦେଖାଯାଇଛି ଯୁବତୀ ଜଣଙ୍କୁ କୁକୁଡ଼ାଟି ସୁଇମିଂ ପୁଲ୍ ନିକଟରୁ ଗୋଡ଼ାଇଥିଲା। ସେତିକିରେ କୁକୁଡ଼ାର ରାଗ କମିଲାନି ଯେ, ଘର ଭିତରେ ପଶି ଗୋଡ଼ାଇଲା। ଫଳରେ ଯୁବତୀ ଜଣକ ଚଟାଣରେ ଖୁବ୍ ଜୋର୍ରେ ପଡ଼ିଗଲେ। ଶେଷରେ କୁକୁଡ଼ାଟି ସେଠାରୁ ଚାଲିଯାଇଥିଲା।
ଏହି ଭିଡିଓଟିକୁ ଯୁବତୀଙ୍କ ଜଣେ ସାଙ୍ଗ ରେକର୍ଡିଂ କରି ସୋସିଆଲ ମିଡିଆରେ ଶେୟାର କରିଥିଲେ। ଏହାକୁ ବର୍ତ୍ତମାନ ପର୍ଯ୍ୟନ୍ତ ଭିଡିଓଟିକୁ ୧୧ ମିଲିୟନରୁ ଅଧିକ ଥର ଦେଖାଯାଇଛି। ଅନେକ ୟୁଜର କମେଣ୍ଟ ବି ଦେଇଛନ୍ତି।