ପାରଳାଖେମୁଣ୍ଡି,୧୫ା୧୦(ସ୍ବ.ପ୍ର.)- ଗଜପତି ଜିଲା ପାରଳାଖେମୁଣ୍ଡି ଠାରୁ ଅଜୟଗଡ ମୁଖ୍ୟ ରାସ୍ତା ନାମନାଗଡ ନିକଟ ଅଜୟଗଡ ଘାଟିରେ ବୁଧବାର ରାତିରେ ପାହାଡ ଧସିଛି। ଫଳରେ ଗୁମ୍ମା ବ୍ଲକର ୩ ପଞ୍ଚାୟତକୁ ଯାତାୟାତ ବନ୍ଦ ହୋଇଛି। ତେବେ ଆଜି ବି ଉକ୍ତ ଅଞ୍ଚଳରେ ବର୍ଷା ଲାଗିରହିଛି। ଜରୁରୀ ପରିସ୍ଥିତିରେ ବାଇକ୍କୁ ଠେଲି କଷ୍ଟରେ ଲୋକେ ରାସ୍ତା ଅତିକ୍ରମ କରୁଛନ୍ତି। ୩ଦିନ ଧରି ଲଗାଣ ବର୍ଷାରେ ଜିଲାର ବିଭିନ୍ନ ସ୍ଥାନରେ ପାହାଡ ଧସିଛି। ଯଥାଶୀଘ୍ର ରାସ୍ତା ସଫା କରିବାକୁ ଅଞ୍ଚଳବାସୀଅନୁରୋଧ କରିଛନ୍ତି। ଅଞ୍ଚଳର ଅଜୟଗଡ, ଭୁବନୀ ଓ ନାମନଗଡ ପଞ୍ଚାୟତର ଶତାଧିକ ଗ୍ରାମକୁ ମୁଖ୍ୟ ରାସ୍ତାରେ ଯାତାୟାତ ବନ୍ଦ ରହିଛି। ଜିଲା ପ୍ରଶାସନ ତରଫରୁ ଧସିଥିବା ମାଟି ଓ ପଥର ବାହାର କରି ଅତିଶୀଘ୍ର ଯାତାୟାତ ସ୍ବାଭାବିକ କରିବାକୁ ବିଭାଗୀୟ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି ବୋଲି ଜିଲାପାଳ ଅନୁପମ ସାହା କହିଛନ୍ତି।