ପାରଳାଖେମୁଣ୍ଡି,୧୫।୧୨(ଡି.ଏନ୍.ଏ): ପାରଳାଖେମୁଣ୍ଡି ସ୍ଥିତ ବାଳିକା ବିଦ୍ୟାଳୟ ନିକଟ ଜନୈକ ବ୍ୟବସାୟୀ ଜି ରାମା ରାଓଙ୍କ ଘରେ ରେଡ୍ ହୋଇଛି। ପୋଲିସ , ଅବକାରୀ ଓ ଜଙ୍ଗଲ ବିଭାଗର ମାଜିଷ୍ଟ୍ରେଟଙ୍କ ଉପସ୍ଥିତିରେ ମିଳିତ ଚଢାଉ କରିଥିବା ସୂଚନା ମିଳିଛି। ରାମା ରାଓ ରକ୍ତ ଚନ୍ଦନ କାଠ ଗଚ୍ଛିତ ରଖିଥିବା ଅଭିଯୋଗରେ ସକାଳୁ ସକାଳୁ ଚଢ଼ାଉ କରାଯାଇଥିଲା। ପୋଲିସ ଏଠାରୁ ବିପୁଳ ପରିମାଣର ରକ୍ତ ଚନ୍ଦନ କାଠ ଜବତ କରିଛି । ଏହି ଚନ୍ଦନ କାଠର ଓଜନ ପ୍ରାୟ ତିନି ଟନରୁ ଅଧିକ ହେବ। ଆନ୍ତର୍ଜାତିକ ବଜାରରେ ଏହାର ଆନୁମାନିକ ମୁଲ୍ୟ ପ୍ରାୟ ତିନି କୋଟି ଟଙ୍କାରୁ ଅଧିକ ହେବ ବୋଲି କୁହାଯାଉଛି । ତେବେ ବନ ବିଭାଗ ସବୁକୁ ଜବତ କରି ତଦନ୍ତ ଆରମ୍ଭ କରିଛି ବୋଲି ରେଞ୍ଜର ଅବିନା ପରିଛା ସୂଚନା ଦେଇଛନ୍ତି।