କୋକସରା,୨୦ା୭(ଡି.ଏନ୍.ଏ.): ରାଜ୍ୟ ସରକାର ଗରିବ ସୀମାରେଖା ତଳେ ଥିବା ଲୋକଙ୍କ ପାଇଁ ଅନେକ ଯୋଜନା କରିଛନ୍ତି। ହେଲେ କିଛି ନିର୍ବାଚିତ ଜନପ୍ରତିନିଧି ଓ ପଞ୍ଚାୟତ କର୍ମଚାରୀଙ୍କ ମୁନାଫାଖୋର ମନୋବୃତ୍ତି ଯୋଗୁ ଯୋଗ୍ୟ ହିତାଧିକାରୀମାନେ ସମସ୍ତ ଯୋଜନାରୁ ବାଦ୍ ପଡୁଛନ୍ତି। ଏମିତି ଏକ ଚିତ୍ର ଦେଖିବାକୁ ମିଳିଛି କଳାହାଣ୍ଡି ଜିଲା କୋକସରା ବ୍ଲକ ଡୁଡୁକାଠେଙ୍ଗା ପଞ୍ଚାୟତ ଖଳିଗଡ଼ ଗାଁରେ ରହୁଥିବା ଜଣେ ବୃଦ୍ଧାଙ୍କ କ୍ଷେତ୍ରରେ। ସ୍ବାମୀଙ୍କ ଦେହାନ୍ତ ପରେ ଅତି ଅସହାୟ ଅବସ୍ଥାରେ ମାଟିଘରେ ରହୁଥିଲେ ଉକିଆ ମାଝୀ। ବୟସ ୭୦ ପାର ହେଲାଣି। ଝିଅକୁ ବାହା ଦେବଙ୍ପରେ ଏକୁଟିଆ ରହୁଥିଲେ। ହେଲେ ଗତ ଲଗାଣ ବର୍ଷାରେ ତାଙ୍କ ରହୁଥିବା ଘର ସମ୍ପୂର୍ଣ୍ଣ ଭାଙ୍ଗିପଡ଼ିଛି। ଫଳରେ ଭଙ୍ଗା ମାଟିଘର ତଳେ ମୁଣ୍ଡରେ ହାତଦେଇ ଭାଗ୍ୟକୁ ଆଦରି ପଡ଼ି ରହିଛନ୍ତି। ଘର ସଜାଡ଼ିବା ପାଇଁ ମଧ୍ୟ ସମ୍ବଳ ନାହିଁ। କୌଣସି ଲୋକଙ୍କ ନିକଟରୁ ମହିଳାଙ୍କ ଘର ଭାଙ୍ଗିବା ଖବର ଶୁଣି ଆମପାଣି ଜୋନ୍ ଜିଲା ପରିଷଦ ସଭ୍ୟ ହେମନ୍ତ ମାଝି ପହଞ୍ଚି ଆବାସ ଘର ଯୋଜନାରେ ସାମିଲ କରିବା ପାଇଁ କୋକସରା ବିଡିଓଙ୍କୁ କହିଥିବା ବେଳେ ତଦନ୍ତ ପରେ ବ୍ୟବସ୍ଥା କରାଯିବ ବୋଳି ବିଡିଓ କହିଛନ୍ତି। ଏ ନେଇ ଡୁଡୁକାଠେଙ୍ଗା ସରପଞ୍ଚ ହରିପ୍ରିୟା ନାଗଙ୍କ ପ୍ରତିକ୍ରିୟା ନେବାରୁ ଗୁରୁବାର ରାଜସ୍ବ ନିରୀକ୍ଷକଙ୍କୁ ଡକାଇ ପଲିଥିନ୍ ଦେବା ସହ ଆଗକୁ ଆବାସ ଘରର ବ୍ୟବସ୍ଥା କରିବାକୁ ପ୍ରତିଶ୍ରୁତି ଦେଇଛନ୍ତି।
