କୁହାଯାଏ ଯେ, ଜଣଙ୍କ ବ୍ୟକ୍ତିତ୍ୱ ତାଙ୍କ ସ୍ବର ଦ୍ୱାରା ସହଜରେ ଜାଣିହେବ। ତେବେ ଏହି କଥା ଠିକ୍ କି ନାହିଁ ତାହା ଜାଣିବା ପାଇଁ ପୁରୁଷମାନଙ୍କ ସ୍ବରକୁ ନେଇ ଏକ ଗବେଷଣା କରାଯାଇଥିଲା। ଏହି ଗବେଷଣା ଚାଇନାର ଦକ୍ଷିଣ-ପଶ୍ଚିମ ବିଶ୍ୱବିଦ୍ୟାଳୟ ଦ୍ୱାରା କରାଯାଇଥିଲା ଯାହାକି ମହିଳାମାନଙ୍କୁ ସଚେତନ କରିପାରିବ। ମହିଳାମାନେ ସାଧାରଣତଃ ଉଚ୍ଚ ସ୍ବରରେ କଥା ହେଉଥିବା ପୁରୁଷଙ୍କୁ ପସନ୍ଦ କରନ୍ତି। ସେମାନଙ୍କୁ ସ୍ବାମୀ ଭାବେ ପାଇବାକୁ ଚେଷ୍ଟା କରନ୍ତି। କିନ୍ତୁ ଏହି ଅଧ୍ୟୟନ ଅନୁଯାୟୀ, ଉଚ୍ଚ ସ୍ବର ଥିବା ପୁରୁଷମାନେ ବିଶ୍ୱାସଯୋଗ୍ୟ ନୁହନ୍ତି। ସେମାନେ ସ୍ତ୍ରୀଙ୍କୁ ପ୍ରତାରଣା କରନ୍ତି।
ଗବେଷଣା ପାଇଁ ଅନେକ ଧୂମପାନ କରୁ ନ ଥିବା ପୁରୁଷଙ୍କୁ ଶବ୍ଦର ଏକ ତାଲିକା ପଢ଼ିବାକୁ ଦିଆଯାଇଥିଲା । ପରେ ସ୍ବରର ଆବୃତ୍ତି ଏବଂ ପିଚ୍କୁ ବୁଝିବା ପାଇଁ ବିଶ୍ଳେଷଣ କରାଯାଇଥିଲା। ସେମାନଙ୍କର ସମ୍ପର୍କ ପ୍ରତି ଥିବା ମନୋଭାବ ଜାଣିବା ପାଇଁ ମାନସିକ ସ୍ତରରେ ପରୀକ୍ଷା କରାଯାଇଥିଲା।
ଗବେଷଣା ଫଳାଫଳରୁ ଜଣାପଡିଛି ଯେ, ଉଚ୍ଚ ସ୍ବର ଥିବା ପୁରୁଷମାନେ ନିଜ ସ୍ତ୍ରୀଙ୍କ ପ୍ରତି କମ ପ୍ରତିବଦ୍ଧ ହୋଇଥାନ୍ତି। ସେମାନେ ମଧ୍ୟ ପ୍ରତାରଣା କରିପାରନ୍ତି। ବାସ୍ତବରେ, ଏହି ପୁରୁଷମାନଙ୍କ ସ୍ବରରୁ ସେମାନଙ୍କ ସେକ୍ସ ହରମୋନ ଟେଷ୍ଟୋଷ୍ଟେରୋନ ସ୍ତର ବିଷୟରେ ଜଣାପଡ଼ିଲା।
ଗବେଷକ ଜାଣିବାକୁ ପାଇଲେ ଯେ, ଉଚ୍ଚ ସ୍ବରରେ କଥା ହେଉଥିବା ବ୍ୟକ୍ତିଙ୍କ ଠାରେ ଟେଷ୍ଟୋଷ୍ଟେରୋନ ସ୍ତର ଅଧିକ। ଗବେଷକ କହିଛନ୍ତି, ଟେଷ୍ଟୋଷ୍ଟେରୋନ ଜଣେ ବ୍ୟକ୍ତିର ଗୁଣ ଏବଂ ଆଚରଣ ନିର୍ଣ୍ଣୟ କରିପାରିବ।
ଉଚ୍ଚ ସ୍ବର ବିଶିଷ୍ଟ ପୁରୁଷମାନଙ୍କର ଟେଷ୍ଟୋଷ୍ଟେରୋନ ସ୍ତର ଅଧିକ ଏବଂ ତେଣୁ ମହିଳାମାନେ ସେମାନଙ୍କ ପ୍ରତି ଅଧିକ ଆକର୍ଷିତ ହୁଅନ୍ତି। ଗବେଷଣାରେ ଏହା ମଧ୍ୟ ଦର୍ଶାଯାଇଛି ଯେ ଅଧିକ ଟେଷ୍ଟୋଷ୍ଟେରୋନ ଥିବା ପୁରୁଷଙ୍କ ପିଲାମାନେ ସୁସ୍ଥ ଅଟନ୍ତି।
ତଥାପି, ସ୍ବାମୀଙ୍କୁ ପସନ୍ଦ ସମୟରେ ମହିଳାମାନେ ପୁରୁଷଙ୍କ ସ୍ବର ଅପେକ୍ଷା ସେମାନଙ୍କର ବ୍ୟକ୍ତିତ୍ୱ ପ୍ରତି ଅଧିକ ଧ୍ୟାନ ଦିଅନ୍ତି। ଜଣେ ସାଥୀ ଭାବରେ, ସେ ଏପରି ପୁରୁଷମାନଙ୍କୁ ବାଛିବାକୁ ପସନ୍ଦ କରନ୍ତି, ଯେଉଁମାନେ ପ୍ରତ୍ୟେକ ଘରୋଇ କାର୍ଯ୍ୟରେ ତାଙ୍କୁ ସମର୍ଥନ କରିପାରିବେ ।
