ହନିମୁନ୍ରେ ଏହି ଅଭିନେତ୍ରୀଙ୍କୁ ନିଲାମ ଡାକିବେ ବୋଲି କହିଥିଲେ ସ୍ବାମୀ, ଗର୍ଭବତୀ ସମୟରେ ଖାଇଥିଲେ ମାଡ଼
09 ବଲିଉଡ୍ ଅଭିନେତ୍ରୀ କରିସ୍ମା କପୁର ୯୦ ଦଶକର ଶ୍ରେଷ୍ଠ ଅଭିନେତ୍ରୀଙ୍କ ମଧ୍ୟରୁ ଜଣେ। ତାଙ୍କ ଅଭିନୟ ଜୀବନ ଯେତିକି ସଫଳ ତାଙ୍କ ବୈବାହିକ ଜୀବନ ସେତିକି ଦୁଃଖ ଦାୟକ। ତେବେ ଜାଣନ୍ତୁ କରିସ୍ମାଙ୍କ ସମ୍ପର୍କିତ କିଛି ବ୍ୟକ୍ତିଗତ କଥା।
୨୦୦୨ ମସିହାରେ କରିସ୍ମା ଏବଂ ଅଭିଷେକ ବଚ୍ଚନଙ୍କ ନିର୍ବନ୍ଧ ହୋଇଥିଲା। ଜୟା ବଚ୍ଚନ ମଧ୍ୟ ତାଙ୍କ ଭାବି ବୋହୂଙ୍କୁ ଗଣମାଧ୍ୟମରେ ପରିଚୟ ଦେଇଥିଲେ। କିନ୍ତୁ ଏହି ନିର୍ବନ୍ଧ ଭାଙ୍ଗିଯାଇଥିଲା। ପରେ କରିସ୍ମା ଦିଲ୍ଲୀର ବ୍ୟବସାୟୀ ସଞ୍ଜୟ କପୁରଙ୍କୁ ବିବାହ କରିଥିଲେ। ବିବାହ ପରେ ସେ ଫିଲ୍ମ ଜଗତରୁ ଦୂରେଇ ଯାଇଥିଲେ।
ମାତ୍ର ସଞ୍ଜୟଙ୍କ ସହିତ ତାଙ୍କର ବିବାହ ମାତ୍ର ୧୧ ବର୍ଷ ଠିକ୍ରେ ଚାଲିଥିଲା। ପରେ ଦୁହିଁଙ୍କ ମଧ୍ୟରେ ଛାଡ଼ପତ୍ର ହୋଇଥିଲା। ବିବାହ ବିଚ୍ଛେଦ ନେଇ କରିସ୍ମା ଏବଂ ସଞ୍ଜୟଙ୍କ ପରସ୍ପର ବିରୋଧରେ ଅନେକ ଅଭିଯୋଗ ଆଣିଥିଲେ। କରିସ୍ମା କହିଥିଲେ ହନିମୁନ୍ରେ ସଞ୍ଜୟ ତାଙ୍କୁ ନିଲାମ ଡାକିଥିଲେ। ଛାଡପତ୍ର ପରେ କରିସ୍ମା ତାଙ୍କ ଶାଶୁ ଏବଂ ସ୍ବାମୀଙ୍କ ବିରୋଧରେ ଅନେକ ଆଶ୍ଚର୍ଯ୍ୟ କଲାଭଳି ଅଭିଯୋଗ ଆଣିଥିଲେ।
କରିସ୍ମା କହିଥିଲେ, ସେତେବେଳେ ସବୁକିଛି ସରିଯାଇଥିଲା। କୌଣସି ବିକଳ୍ପ ମୋ ହାତରେ ନଥିଲା, ସେତେବେଳେ ମୁଁ ପୋଲିସ ନିକଟରେ ଅଭିଯୋଗ କଲି। ହନିମୁନ ସମୟରେ ସଞ୍ଜୟ ତାଙ୍କ ଭାଇଙ୍କ ସହ ଆଲୋଚନା କରୁଥିଲେ ଯେ ନିଲାମରେ ମୁଁ ତାଙ୍କ ପାଇଁ କେତେ ଟଙ୍କା ଆଣି ପାରିବି। ଏସବୁ ଶୁଣି ମୁଁ ବହୁତ ଆଶ୍ଚର୍ଯ୍ୟ ହୋଇଗଲି। ଯେତେବେଳେ ମୁଁ ଗର୍ଭବତୀ ଥିଲି, ଶାଶୁ ମୋତେ ପୋଷାକ ପାଇଁ ପିଟି ଥିଲେ। ସଞ୍ଜୟଙ୍କ ଅନ୍ୟ ଜଣେ ମହିଳାଙ୍କ ସହ ସମ୍ପର୍କ ଥିବା କରିସ୍ମା ଅଭିଯୋଗ କରିଥିଲେ।
ଛାଡପତ୍ର ଆବେଦନରେ ସଞ୍ଜୟ ଅଭିଯୋଗ କରିଥିଲେ କରିସ୍ମା ଜଣେ ଭଲ ମା’ ନୁହଁନ୍ତି। ସେ କେବଳ ଟଙ୍କା ପାଇଁ ସଞ୍ଜୟଙ୍କୁ ବିବାହ କରିଥିଲେ। ବର୍ତ୍ତମାନ ଉଭୟ ଅଲଗା ହୋଇଯାଇଛନ୍ତି । ସଞ୍ଜୟ ପୁନର୍ବାର ବିବାହ କରିଥିବାବେଳେ କରିସ୍ମା ଏବେ ବି ଅବିବାହିତା ରହି ନିଜ ପିଲା ସହ ଅଛନ୍ତି।