ଲୋଇସିଂହା,୨୭।୩: ବଲାଙ୍ଗୀର ଜିଲା ଲୋଇସିଂହା ଥାନା ଅନ୍ତର୍ଗତ ସଂସା ଗାଁରେ ସ୍ତ୍ରୀଙ୍କ ତଣ୍ଟି ଚିପି ସ୍ବାମୀ ହତ୍ୟା କରିଥିବା ଅଭିଯୋଗ ହୋଇଛି। ମୃତ ମହିଳା ଜଣଙ୍କ ସୁଦାମ ସାହୁ (୩୫)ଙ୍କ ସ୍ତ୍ରୀ ଦଶମୀ ସାହୁ। ଶୁକ୍ରବାର ବିଳମ୍ବିତ ରାତିିରେ ସୁଦାମ ଓ ଦଶମୀଙ୍କ ମଧ୍ୟରେ କୌଣସି କଥାକୁ ନେଇ ଗଣ୍ଡଗୋଳ ହୋଇଥିଲା । ସୁଦାମ ଉତ୍ତ୍ୟକ୍ତ ହୋଇ ଦଶମୀଙ୍କୁ ହତ୍ୟା କରିଥିବା ତାଙ୍କ ପରିବାର ଲୋକ ଅଭିଯୋଗ କରିଛନ୍ତି। ହତ୍ୟା ପରେ ସୁଦାମଙ୍କ ପରିବାର ଲୋକ ଫେରାର ହୋଇ ଯାଇଛନ୍ତି। ଏହି ହତ୍ୟା ମାମଲାରେ ସୁଦାମଙ୍କ ପରିବାର ଲୋକଙ୍କର ସମ୍ପୃକ୍ତି ଥିବା ନେଇ ପୋଲିସ ସନ୍ଦେହ କରିଛି। ଲୋଇସିଂହା ପୋଲିସ ଓ ଆଗଲପୁର ଫାଣ୍ଡି ଅଧିକାରୀ ପହଞ୍ଚିି ତଦନ୍ତ ଚଳାଇଛନ୍ତି।
