ଭାରତର ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ୍ ବୀରେନ୍ଦ୍ର ସେହ୍ବାଗ ନିଜ ବ୍ୟାଟିଂ ଅନ୍ଦାଜ ପାଇଁ ବେଶ୍ ପ୍ରସିଦ୍ଧ। ସେ କ୍ରିକେଟରୁ ଅବସର ନେଇସାରିଥିଲେ ମଧ୍ୟ ଏବେ ବି ଦର୍ଶକ ତାଙ୍କୁ ଭୁଲି ନାହାନ୍ତି। ସେହ୍ବାଗ ବଲିଉଡ ସିଙ୍ଗର କିଶୋର କୁମାରଙ୍କ ବଡ ଫ୍ୟାନ୍। ପଡିଆରେ ମଧ୍ୟ ଅନେକଥର ତାଙ୍କୁ କିଶୋର ଦା’ଙ୍କ ଗୀତ ଗାଉଥିବାର ଦେଖାଯାଏ। ଥରେ ସେହ୍ବାଗ କହିଥିଲେ, ବ୍ୟାଟ୍କୁ ବଲ୍ ଆସିବା ପୂର୍ବରୁ ମନକୁ ଅନେକ କଥା ଆସେ, ତେଣୁ ଏସବୁଥିରୁ ଧ୍ୟାନ ହଟାଇବା ପାଇଁ ପଡିଆରେ କିଶୋର ଦା’ଙ୍କ ଗୀତ ଗାଉଥିଲି। ଏହାଦ୍ୱାରା ମୋତେ ଅନେକ ଲାଭ ମଧ୍ୟ ମିଳୁଥିଲା। ପାକିସ୍ତାନ ବିପକ୍ଷରେ ମ୍ୟାଚ୍ ଖେଳାଯାଉଥିଲା ବେଳେ ତାର ଖେଳାଳିମାନେ ବେଳେବେଳେ ମୋତେ ହିନ୍ଦୀ ଗୀତ ଗାଇବାକୁ କହୁଥିଲେ ଏବଂ ମୁଁ ଗାଉଥିଲି ବୋଲି ସେହ୍ବାଗ ସ୍ବୀକାର କରିଥିଲେ।