ନୂଆଦିଲ୍ଲୀ,୫।୧: ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ମହାକାଶର ମାଇକ୍ରୋଗ୍ରାଭିଟି ସ୍ଥିତିରେ ମାତ୍ର ୪ ଦିନ ମଧ୍ୟରେ ଝୁଡ଼ଙ୍ଗ ମଞ୍ଜିକୁ ଗଜା କରିବାରେ ସଫଳ ହୋଇଛି। ଇସ୍ରୋର ପିଏସ୍ଏଲ୍ଭି-ସି୬୦ ପିଓଇଏମ୍-୪ ମିଶନ ବେଳେ ଏହି ଉଲ୍ଲେଖନୀୟ ସଫଳତା ମିଳିଛି। ଏଥିପାଇଁ କମ୍ପାକ୍ଟ ରିସର୍ଚ୍ଚ ମଡ୍ୟୁଲ ଫର୍ ଅର୍ବିଟାଲ ପ୍ଲାଣ୍ଟ ଷ୍ଟଡିଜ୍ (ସିଆର୍ଓପିଏସ୍)କୁ ବ୍ୟବହାର କରାଯାଇଥିଲା। ମହାକାଶ ସ୍ଥିତିରେ କିଭଳି ଉଦ୍ଭିଦ ବଢ଼ିପାରିବ, ସେଥିପାଇଁ ଭିଏସ୍ଏସ୍ସି ଏହି ସିଆର୍ଓପିଏସ୍ ପେଲୋଡ୍କୁ ବିକଶିତ କରିଛି। ମଞ୍ଜି ଅଙ୍କୁରୋଦ୍ଗମ ଏବଂ ମାଇକ୍ରୋଗ୍ରାଭିଟି ପରିବେଶରେ ଉଦ୍ଭିଦ ବଞ୍ଚତ୍ରହିବା ଉପରେ ଗବେଷଣା ପାଇଁ ବିକଶିତ ଏହି ପେଲୋଡ୍ ଏକ ସ୍ବୟଂକ୍ରିୟ ସିଷ୍ଟମ ଭଳି କାର୍ଯ୍ୟ କରିଥାଏ। ପୃଥିବୀ ବାହାରେ କୃଷି ଉପରେ ଅଧ୍ୟୟନ ନିମନ୍ତେ ଏକ ବନ୍ଦ ବାକ୍ସରେ ଠିକ୍ ତାପମାତ୍ରା ନିୟନ୍ତ୍ରଣରେ ୮ଟି ଝୁଡ଼ଙ୍ଗ ମଞ୍ଜି ରଖାଯାଇଥିଲା। ସିଷ୍ଟମରେ ଅତ୍ୟାଧୁନିକ ପର୍ଯ୍ୟବେକ୍ଷଣ ଉପକରଣ ସ୍ବରୂପ ଉଚ୍ଚ କ୍ଷମତାବିଶିଷ୍ଟ କ୍ୟାମେରା, ଅମ୍ଳଜାନ ଓ ଉଦ୍ଯାନ ସ୍ତର ମାପିବାକୁ ସେନ୍ସର, ଆର୍ଦ୍ରତା ଡିଟେକ୍ଟର, ତାପ ପର୍ଯ୍ୟବେକ୍ଷଣ ଓ ମୃତ୍ତିକା ଆର୍ଦ୍ରତା ମାପ ଉପକରଣ ରହିଛି।