ଦୁବାଇ,୧୯।୧୦: ଟି -୨୦ ବିଶ୍ୱକପ ୨୦୨୧ ଆରମ୍ଭ ହୋଇଛି। ଅକ୍ଟୋବର ୨୪ରେ ଖେଳାଯିବାକୁ ଥିବା ଭାରତ ଏବଂ ପାକିସ୍ତାନ ମ୍ୟାଚ୍କୁ ସମସ୍ତେ ଉତ୍ସୁକତାର ସହ ଅପେକ୍ଷା କରିଛନ୍ତି। ନିଜ ଅଭ୍ୟାସ ଉପରେ ଧ୍ୟାନ ଦେବା ସହିତ ଉଭୟ ଦଳ ଆଗ ଦଳ ଉପରେ ମଧ୍ୟ ନଜର ରଖିଛନ୍ତି। ଆଇସିସି କ୍ରିକେଟ ଏକାଡେମୀରେ ଭାରତ ଏବଂ ପାକିସ୍ତାନ ଗୋଟିଏ ଅଭ୍ୟାସ ମ୍ୟାଚ ଖେଳିଛନ୍ତି। ଏହି ଅଭ୍ୟାସ ମ୍ୟାଚରେ କୋଚ ରବି ଶାସ୍ତ୍ରୀଙ୍କ ସମେତ ଭାରତୀୟ ଖେଳାଳିମାନେ ମଧ୍ୟ ପାକିସ୍ତାନ ଦଳର ଖେଳ ବିଷୟରେ ଅଧିକ ଜାଣିବାକୁ ଚେଷ୍ଟା କରିଥିଲେ। ଭାରତୀୟ ଦଳ ଇଂଲଣ୍ଡ ବିପକ୍ଷରେ ପ୍ରଥମ ଅଭ୍ୟାସ ମ୍ୟାଚ୍ ଖେଳିବା ପାଇଁ ପଡିଆରେ ପହଞ୍ଚିଥିଲା, ସେହି ସମୟରେ ପାକିସ୍ତାନ ଦଳ ୱେଷ୍ଟଇଣ୍ଡିଜ ବିପକ୍ଷ ଅଭ୍ୟାସ ମ୍ୟାଚ୍ ମ୍ୟାଚ ଖେଳୁଥିଲା। ଏହି ସମୟରେ ଭାରତୀୟ ଖେଳାଳି, କୋଚିଂ ଷ୍ଟାଫ୍ମାନେ ପାକିସ୍ତାନ ଦଳର ଖେଳ ଦେଖିବା ପାଇଁ ଉତ୍ସାହର ସହ ଦେଖିଥିଲେ।
ଭାରତୀୟ ଦଳ ସେମାନଙ୍କ ଅଭ୍ୟାସ ମ୍ୟାଚ୍ ପାଇଁ ଦୁବାଇ କ୍ରିକେଟ ଷ୍ଟାଡିୟମରେ ପହଞ୍ଚିଥିଲେ, କିନ୍ତୁ ମ୍ୟାଚ ଆରମ୍ଭ କରିବା ପୂର୍ବରୁ ଭାରତୀୟ ଦଳ ପାକିସ୍ତାନ ଦଳ ଖେଳୁଥିବା ଦେଖିଥିଲେ। ଏହାର କିଛି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଫଟୋରେ କୋଚ ରବି ଶାସ୍ତ୍ରୀ, ମେଣ୍ଟର ଏମଏସ ଧୋନୀଙ୍କ ସହ ଭୁବନେଶ୍ୱର କୁମାର, ଦୀପକ ଚହର ଏବଂ ଶାର୍ଦ୍ଦୁଲ ଠାକୁର ମଧ୍ୟ ନଜର ଆସିଛନ୍ତି। ଏମାନେ ସମସ୍ତେ ପାକିସ୍ତାନୀ ଅଧିନାୟକ ବାବର ଆଜମ କ୍ରିଜରେ ଉପସ୍ଥିତ ଥିଲେ। ବାବର ଆଜମ ଏକ ନମ୍ବର ଦିନିକିଆ ବ୍ୟାଟ୍ସମ୍ୟାନ ଏବଂ ସେ ଭାରତୀୟ ଦଳ ପାଇଁ ସବୁଠାରୁ ବଡ ବିପଦ ବୋଲି ବିବେଚନା କରାଯାଏ।