କେନ୍ଦୁଝର,୩୧।୧୦(ସ୍ବ.ପ୍ର.): କେନ୍ଦୁଝର ଜିଲା ସଦର ଥାନା ଅନ୍ତର୍ଗତ ବନାଯୋଡି ଟୋଲପ୍ଲାଜା ନିକଟରେ ରାସ୍ତା କଡରେ ଠିଆ ହୋଇଥିବା ଏକ ଟ୍ରକ୍ରୁ ଜଣେ ଡ୍ରାଇଭରର କ୍ଷତାକ୍ତ ମୃତଦେହ ପୋଲିସ ଉଦ୍ଧାର କରିଛି ା ମାଜିଷ୍ଟ୍ରେଟ୍ ଉପସ୍ଥିତିରେ ପୋଲିସ ମୃତଦେହ ଉଦ୍ଧାର କରି ବ୍ୟବଚ୍ଛେଦ କରିବାକୁ ଜିଲା ମୁଖ୍ୟ ଡାକ୍ତରଖାନାକୁ ପଠାଯାଇଛି ା ଏ ନେଇ ପୋଲିସ କେସ୍ ନମ୍ବର ୪୨୪/୨୦୨୨ରେ ମାମଲା ରୁଜୁ କରି ତଦନ୍ତ କରୁଛି ା ସେ ହେଲେ ମଧ୍ୟପ୍ରଦେଶ ସିଦ୍ଧି ଜିଲାର ବାଲହରା ଅଞ୍ଚଳର ରାମନରେଶ ସାହୁ (୨୮)।
ସୂଚନାଯୋଗ୍ୟ, ସିଜି-୦୪ଏନ୍ଏଚ୍୪୮୦୦ ନମ୍ବର ୧୪ ଚକିଆ ଟ୍ରକ୍ ଲୁହାପଥର ପରିବହନ ପାଇଁ ଏନ୍ଏଚ୍ ୨୦ରେ ଯୋଡା ଖଣି ଅଞ୍ଚଳକୁ ଯାଉଥିଲା ା ରାତିରେ ଉକ୍ତ ସ୍ଥାନରେ ଟ୍ରକ୍ ରଖି ଡ୍ରାଇଭର ଜଣକ ଶୋଇଥିଲେ ା ଏହି ସମୟରେ କେହି ଦୁର୍ବୃତ୍ତ ତାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି ା ତଦନ୍ତ ପରେ ହତ୍ୟାର କାରଣ ସ୍ପଷ୍ଟ ହେବ ବୋଲି ପୋଲିସ କହିଛି ା
