ଆମେରିକାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଜଣେ ୧୬ ବର୍ଷର ନାବାଳକ ୧୩ ବର୍ଷର ନାବାଳିକାଙ୍କୁ ହତ୍ୟା କରିଛନ୍ତି। ଏହି ହତ୍ୟା ବିଷୟରେ କେହି ଜାଣି ନ ଥିଲେ, କିନ୍ତୁ ଏକ ଇନ୍ଷ୍ଟାଗ୍ରାମ ଭିଡିଓ କଲ୍ ପୂରା ରହସ୍ୟକୁ ଉନ୍ମୋଚନ କରିଥିଲା। ପ୍ରକୃତରେ ଏହି ନାବାଳକ ହତ୍ୟା ପରେ ତାଙ୍କ ବାନ୍ଧବୀଙ୍କ ମୃତଦେହ ଲୁଚାଇବା ପାଇଁ ସାହାଯ୍ୟ ମାଗିଥିଲେ।
ଏକ ରିପୋର୍ଟ ଅନୁଯାୟୀ, ଫିଲାଡେଲ୍ଫିଆର ଉତ୍ତର-ପୂର୍ବର ବେନ୍ସାଲେମ ପୋଲିସ ଏକ ବିବୃତ୍ତିରେ କହିଛି, ୧୬ ବର୍ଷୀୟ ସନ୍ଦିଗ୍ଧ ନାବାଳକଙ୍କ ମୋବାଇଲରେ ମୃତକଙ୍କ ଗୋଡ଼ ରକ୍ତରେ ଆଚ୍ଛାଦିତ ହୋଇଥିବା ଦର୍ଶାଇଛନ୍ତି। ଏହା ପରେ ତାଙ୍କ ସାଙ୍ଗ ତାଙ୍କ ମା’ଙ୍କୁ ଏହା କହିଥିଲେ। ଯିଏ ଶୁକ୍ରବାର ଅପରାହ୍ନ ୪ଟାରେ ୯୧୧କୁ ଫୋନ୍ କରିଥିଲେ। ବେନସେଲାମ ପୋଲିସ ବିଭାଗର ଅଧିକାରୀ କହିଛନ୍ତି, ସେମାନେ ସନ୍ଦିଗ୍ଧ ଜଣକ ଯୋଶୁଆ କୁପର୍ ବୋଲି ଚିହ୍ନଟ କରିଛନ୍ତି।
ବେନସାଲେମର ଗିବସନ ରୋଡ୍ରେ ୧୪୦୦ ବ୍ଲକ ଅନ୍ତର୍ଗତ ରିଜ ଟ୍ରେଲର ପାର୍କରେ ସେ ସନ୍ଦିଗ୍ଧଙ୍କ ଠିକଣାରେ ପହଞ୍ଚିବା ପରେ ସେ ଟ୍ରେଲର ପଛ ପଟକୁ ଦୌଡ଼ିଯାଇଥିବା ପୋଲିସ ସୂତ୍ରରୁ ପ୍ରକାଶ। ଘରେ ପ୍ରବେଶ କରିବା ପରେ ସେ ୧୩ ବର୍ଷର ନାବାଳିକାଙ୍କୁ ବାଥରୁମ୍ ଚଟାଣରେ ଗୁଳି ବାଜିଥିବାର ଦେଖିଥିଲେ। ପୋଲିସ କହିଛି, କିଛି ସମୟ ପରେ ନିଉପୋର୍ଟ ମଓ୍ବେସ ଡ୍ରାଇଭ ଏବଂ ଗ୍ରୋଟନ ଡ୍ରାଇଭର ଏକ ଜଙ୍ଗଲ ଅଞ୍ଚଳରେ ଗିରଫ କରାଯାଇଥିଲା।
ସୂଚନାନୁସାରେ, କୁପର ପୋଲିସକୁ କହିଛନ୍ତି, ସେ ଏକାକୀ ବାଥ୍ରୁମ ବ୍ୟବହାର କରିବାକୁ ଯାଇଛନ୍ତି। ଶୁକ୍ରବାର ହାଜର ହେବା ପରେ ତାଙ୍କୁ ଜାମିନ ନାମଞ୍ଜୁର କରାଯାଇ ବାଳ ସୁରକ୍ଷା କେନ୍ଦ୍ରକୁ ପଠାଯାଇଥିବା ପୋଲିସ କହିଛି। ପୀଡ଼ିତାଙ୍କ ପରିଚୟ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ।