ଖଇରା, ୨୩।୫(ଡି.ଏନ.ଏ.): ବାଲେଶ୍ୱର ଜିଲା ଖଇରା ଥାନା ଅଧୀନ କୁପାରୀ ଅମ୍ବିକା ମନ୍ଦିର ନିକଟରେ ଜଣେ ବ୍ୟକ୍ତିଙ୍କ ଘରେ ରହି ଛେଳି ଚରାଉଥିବା ପିଲା ୧୭ତାରିଖରେ ବିଦ୍ୟୁତ ସଂସ୍ପର୍ଶରେ ଆସି ଗୁରୁତର ହେବା, ଭଦ୍ରକରୁ କଟକ ମେଡିକାଲରେ ୩ଦିନ ଧରି ଚିକିତ୍ସିତ ହେବା ପରେ ଶେଷରେ ୨୦ତାରିଖରେ ଆଖିବୁଜିଲେ। ୧୩ବର୍ଷ ବୟସର ଏହି ପିଲାର ମୃତଦେହ ମେଡିକାଲରୁ ଗାଏବ ହୋଇଥିବା ସତ୍ତ୍ୱେ କାହାରି ପାଖରେ ସୂଚନା ନାହିଁ। ଏଭଳିକି ଚାଇଲ୍ଟଲାଇନ ପକ୍ଷରୁ ଲିଖିତ ଅଭିଯୋଗ ଦିଆଯିବାର ୨ଦିନ ବିତିଯାଇଥିଲେ ହେଁ ତଦନ୍ତ ଆରମ୍ଭ ହୋଇ ନ ପାରିବା ପୋଲିସର ସ୍ଥାଣୁତା ଉପରେ ପ୍ରଶ୍ନବାଚୀ ସୃଷ୍ଟି କରିଛି।
ସେହିଭଳି ନାବାଳିକାଙ୍କୁ ଘରେ ରଖି ଶ୍ରମିକ ଭାବେ ଗୋତି ଖଟାଇଥିବା ମାଲିକ ଗିରଫ ହେବା ଦୂରେ ଥାଉ ପଚରାଉଚୁରା କରିବାକୁ ମଧ୍ୟ ପୋଲିସ ପାଖରେ ସମୟ ନାହିଁ। ଏହାର ଉଚ୍ଚସ୍ତରୀୟ ତଦନ୍ତ କରାଯାଇ ମୃତ ନାବାଳକ ଆମତ୍ାକୁ ନ୍ୟାୟ ଦେବାକୁ ଦାବି ହୋଇଛି। କୁପାରୀ ଅଞ୍ଚଳର ଜଣେ ବ୍ୟକ୍ତି କେନ୍ଦୁଝର ଜିଲାର ରାଇଘାଟି ଅଞ୍ଚଳରୁ ୨ଜଣ ଆଦିବାସୀ ନାବାଳକଙ୍କୁ ଘରେ ରଖି ଛେଳି ଚରାଇବା ସହିତ ଅନ୍ୟାନ୍ୟ ଘରୋଇ କାମରେ ନିୟୋଜିତ କରିଥିଲେ ା ୧୭ତାରିଖ ଦିନ ଗୋଟିଏ ପିଲା ଘର ବାହାରେ କୌଣସି କାର୍ଯ୍ୟ କରୁଥିବା ବେଳେ କରେଣ୍ଟ ଲାଗି ଗୁରୁତର ହୋଇପଡିଥିଲେ। ମାଲିକ ତାଙ୍କୁ ଭଦ୍ରକ ଡାକ୍ତରଖାନାରେ ଭର୍ତ୍ତି କରାଇ କୁଆଡେ ନିଖୋଜ ହୋଇଯାଇଥିଲେ ା ପରେ ଚିକିତ୍ସା ପାଇଁ ତାଙ୍କୁ କଟକ ସ୍ଥାନାନ୍ତର କରାଯାଇଥିଲା ା ୨୦ତାରିଖରେ ସେ ପିଲାଟି ଆଖି ବୁଜିଥିଲା ା ତା’ପରଠାରୁ ମୃତଦେହ କୁଆଡେ ଗଲା ଆଉ କାହାରି ପାଖରେ ସୂଚନା ନାହିଁ ା ଅନ୍ୟ ନାବାଳକଙ୍କୁ ଖଇରା ଚାଇଲ୍ଡଲାଇନ ଜରିଆରେ ଖଇରା ଥାନାକୁ ଅଣାଯାଇଛି ା ଏ ସମ୍ପର୍କରେ ଖଇରା ଚାଇଲ୍ଡଲାଇନ ନିର୍ଦ୍ଦେଶକ ମଦନମୋହନ ବେହେରାଙ୍କୁ ଯୋଗାଯୋଗ କରିବାରେ ସେ କଟକ ଚାଇଲ୍ଡଲାଇନକୁ ଜଣାଇ ଚିକିତ୍ସା କରାଇବାର ବନ୍ଦୋବସ୍ତ କରାଇଥିଲେ। ମୃତ୍ୟୁ ପରେ ମୃତଦେହ ତାଙ୍କ ମା’ଙ୍କୁ ହସ୍ତାନ୍ତର କରାଯାଇଥିବା କଥା ଶୁଣୁଥିଲେ ହେଁ ନିଶ୍ଚିତ ନୁହନ୍ତି ବୋଲି କହିଛନ୍ତି ା ତଦନ୍ତ ପାଇଁ ସେ ଖଇରା ଥାନାରେ ଲିଖିତ ଅଭିଯୋଗ କରି ସାରିଥିବା କହିଛନ୍ତି ା କେସ୍ ଦାୟିତ୍ୱ ବୁଝୁଥିବା ଖଇରା ଥାନା ଏସ୍ଆଇ ରମେଶ ସେଠୀଙ୍କୁ ଯୋଗାଯୋଗ କରିବାରେ ସମୟ ଅଭାବରୁ ସେ ତଦନ୍ତ କାର୍ଯ୍ୟ ଆରମ୍ଭ କରି ପାରି ନ ଥିବା କହିଛନ୍ତି ା ଏହି ମୃତ୍ୟୁକୁ ନେଇ ବଡଧରଣର ଡିଲ୍ ହୋଇଥିବା ନେଇ ସାଧାରଣରେ ଆଲୋଚନା ହେଉଛି।
