ନୂଆଦିଲ୍ଲୀ,୨୪।୭: ଭାରତ ସରକାରଙ୍କ ଆତ୍ମନିର୍ଭର ଭାରତ କାର୍ଯ୍ୟକ୍ରମ ମାଧ୍ୟମରେ ଆମେରିକାର ପ୍ରମୁଖ ମୋବାଇଲ କମ୍ପାନୀ ଆପଲ ଏହାର ଆଇଫୋନ-୧୧ ମଡେଲର ଉପତ୍ାଦନ ଭାରତରେ ଆରମ୍ଭ କରିଛି। ଏଥି ଲାଗି କମ୍ପାନୀ ଚେନ୍ନାଇ ସହରର ଫକ୍ସକନ ପ୍ଲାଣ୍ଟକୁ ଚୟନ କରିଥିବା ଜଣାପଡିଛି। କମ୍ପାନୀର ଏହି କାରଖାନାରୁ ଆଇଫୋନ ପାଇଁ ଆବଶ୍ୟକ ପ୍ରମୁଖ ସରଞ୍ଜାମ (ଡିଭାଇସ) ଉପତ୍ାଦନ ସହ ଏକ ସ୍ବପ୍ନର କାରଖାନା ଭାରତ ବର୍ଷରେ ନିର୍ମାଣ କରିବା ପାଇଁ ଯୋଜନା ରଖିଛି। କେନ୍ଦ୍ର ବାଣିଜ୍ୟ ମନ୍ତ୍ରୀ ପୀୟୁଷ ଗୋଏଲ ଶୁକ୍ରବାର ଟୁଇଟ ଯୋଗେ ଏ ସମ୍ପର୍କରେ ଘୋଷଣା ମଧ୍ୟ କରିଛନ୍ତି। ସେ ଆହୁରି କହିଛନ୍ତି ଯେ,ଏହା ଫଳରେ ଭାରତର ଆଭିମୁଖ୍ୟ ସଫଳ ହେବା ସହ ଆପଲ ପ୍ରଡକ୍ଟର ଚାହିଦା ଭାରତ ବଜାରରେ ବୃଦ୍ଧି ପାଇବ। ସେହିଭଳି କମ୍ପାନୀ ମଧ୍ୟ ଭାରତରେ ପ୍ରଥମ ଥର ପାଇଁ ଆଇଫୋନ-୧୧ର ଉପତ୍ାଦନ କରିଛି। କମ୍ପାନୀ ପୂର୍ବରୁ ଭାରତରେ ତାର ମଡେଲ ଓ କାରବାର ବିଭିନ୍ନ ସହରରେ କରୁଛି। ଫକ୍ସକନ ଏକ ତାଇଓ୍ବାନ ଭିତ୍ତିକ କମ୍ପାନୀ ହୋଇଥିବା ଏହା ଆପଲର ପ୍ରଡକ୍ଟ ଯୋଗାଣରେ ସହାୟତା କରୁଛି।