ସାଉଥାମ୍ପଟନ, ୨୯ା୭ (ପି.ଟି.)- ଗୁରୁବାର ଏଜାସ ବାଓଲଠାରେ ଆୟର୍ଲାଣ୍ଡ-ଇଂଲଣ୍ଡ ୩ମ୍ୟାଚ ବିଶିଷ୍ଟ ଅନ୍ତର୍ଜାତୀୟ ଦିନିକିଆ ସିରିଜ ଆରମ୍ଭ ହେବ। ଓପନିଂ ମ୍ୟାଚ ପାଇଁ ଆୟର୍ଲାଣ୍ଡ ୧୪ ଜଣିଆ ଦଳ ଘୋଷଣା କରିଛି। ଅଲରାଉଣ୍ଡର କର୍ଟିସ କାମ୍ଫରଙ୍କୁ ଦଳରେ ସାମିଲ କରାଯାଇଛି। ଚୁଡ଼ାନ୍ତ ଦଳରେ ସ୍ଥାନ ପାଇଲେ ଏହା ତାଙ୍କର ପ୍ରଥମ ଅନ୍ତର୍ଜାତୀୟ ପଦାର୍ପଣ ହେବ। ଆଣ୍ଡ୍ର୍ୟୁ ବାଲ୍ବିର୍ନେ ଦଳର ଅଧିନାୟକତ୍ୱ କରିବେ। ପଲ୍ ଷ୍ଟର୍ଲିଂ ତାଙ୍କ ଡେପୁଟି ଭାବେ କାର୍ଯ୍ୟକରିବେ। ୨୧ବର୍ଷୀୟ କାମ୍ଫର ହେଉଛନ୍ତି ଜଣେ ଦକ୍ଷିଣ ଆଫ୍ରିକା ଜନ୍ମିତ କ୍ରିକେଟର। କୋଭିଡ୍-୧୯ ପୂର୍ବରୁ ଫେବୃୟାରୀରେ ନାମ୍ବିଆ ବିପକ୍ଷ ଏକ ଟି୨୦ ସିରିଜରେ ସେ ଆୟର୍ଲାଣ୍ଡ ତରଫରୁ ଖେଳି ଦୁଇଟି ଅର୍ଦ୍ଧଶତକ ହାସଲ କରିଥିଲେ। ଆୟର୍ଲାଣ୍ଡ ତରଫରୁ ୨୦ ଅନ୍ତର୍ଜାତୀୟ ଟି୨୦ ଖେଳିଥିବା ମିଡଲ ଅର୍ଡର ବ୍ୟାଟ୍ସମ୍ୟାନ ହ୍ୟାରି ଟେକ୍ଟର ଅନ୍ତର୍ଜାତୀୟ ଦିନିକିଆ ପଦାର୍ପଣ କରିବା ଲାଗି ଆଶା ବାନ୍ଧିଛନ୍ତି।
ପ୍ରଥମ ଦିନିକିଆ ପାଇଁ ଆୟର୍ଲାଣ୍ଡ ଦଳ: ଆଣ୍ଡ୍ର୍ୟୁ ବାଲ୍ବିର୍ନେ (ଅଧିନାୟକ), କର୍ଟିସ କାମ୍ଫର, ଗ୍ୟାରେଥ ଡିଲାନି, ଜୋଶ ଲିଟଲ, ଆଣ୍ଡ୍ର୍ୟୁ ମ୍ୟାକ୍ବିର୍ନେ ବ୍ୟାରି ମ୍ୟାକାର୍ଥତ୍, କେଭିନ୍ ଓ’ବ୍ରିଏନ୍, ଓ୍ବିଲିୟମ ପୋଟରଫିଲ୍ଡ, ବଏଡ୍ ରାଙ୍କିନ୍, ସିମି ସିଂ, ପଲ୍ ଷ୍ଟିର୍ଲିଂ, ହ୍ୟାରି ଟେକ୍ଟର, ଲୋରକାନ ଟକର, କ୍ରେଗ୍ ୟଙ୍ଗ।
ରିଜର୍ଭ ଖେଳାଳି: ମାର୍କ ଆଡେର, ପିଟର ଚେଜ୍, ଜର୍ଜ ଡକ୍ରେଲ୍, ଜେ.ଜେ. ଗ୍ୟାରେଥ୍ ଟାଇରନ କେନ୍, ଜେମ୍ସ ମ୍ୟାକୋଲମ୍, ଷ୍ଟୁଆର୍ଟ ଥମ୍ପସନ, ଗ୍ୟାରି ଓ୍ବିଲସନ।