ରୁଷିଆ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ହେତୁ ପୁଟିନ ଅନେକ ଦେଶର ବିରୋଧର ସମ୍ମୁଖୀନ ହେଉଛନ୍ତି। ଇତି ମଧ୍ୟରେ ରୁଷିଆର ଅନେକ ଗୁପ୍ତ ଖବର ମଧ୍ୟ ବାହାରେ ଚର୍ଚ୍ଚାର ବିଷୟ ପାଲଟିଛି। ଆପଣ ଜାଣନ୍ତି କି ରୁଷିଆରେ ଏପରି ଏକ ଜେଲ୍ ବା କାରାଗାର ଅଛି, ଯେଉଁଥିରେ କଏଦୀମାନେ ଭିତରକୁ ଗଲେ ଜୀବନ୍ତ ଆଉ ଫେରିପାରନ୍ତି ନାହିଁ। ମୃତ୍ୟୁ ହେବା ପରେ ହିଁ ତାଙ୍କୁ ଜେଲରୁ କଢ଼ାଯାଏ। ଏହାର ନାମ ‘ବ୍ଲାକ୍ ଡଲଫିନ’ ରଖାଯାଇଛି।
ରୁଷିଆର ଏହି ଗୋଲାପୀ ରଙ୍ଗର କୋଠାକୁ ଦେଖିଲେ ଏହା ଏକ ସାଧାରଣ କୋଠା ପରି ଦେଖାଯିବ। କିନ୍ତୁ ବାସ୍ତବରେ ଏହା ହେଉଛି ଦେଶର ସବୁଠାରୁ ଭୟଭୀତ ବନ୍ଦୀମାନଙ୍କ ବାସସ୍ଥାନ। ବଳାତ୍କାରୀ, ଶିଶୁ ନିର୍ଯାତନାକାରୀ ଏବଂ ମଣିଷ ମାଂସ ଖାଉଥିବା ଅପରାଧୀମାନେ ଏହି ଜେଲରେ ରୁହନ୍ତି। ଯଦି ରୁଷିଆର ଜଣେ କଏଦୀ ଏପରି ଅପରାଧ କରିଥାନ୍ତି ତେବେ ସେ କ୍ଷମା ପାଇବାକୁ ଅଯୋଗ୍ୟ ନୁହନ୍ତି। ଏପରି ଅଭିଯୁକ୍ତଙ୍କୁ କେବଳ ଏହି କାରାଗାରକୁ ହିଁ ପଠାଯାଇଥାଏ।
ରୁଷିଆର ଅନ୍ୟ କାରାଗାରକୁ ଯାଇଥିବା ବନ୍ଦୀମାନେ ଜାମିନ ପାଇପାରନ୍ତି, କିନ୍ତୁ ଯେଉଁମାନେ ‘ବ୍ଲାକ୍ ଡଲ୍ଫିନ୍’ ଜେଲକୁ ଯାଇଥାନ୍ତି ସେମାନଙ୍କୁ ଜାମିନ ମିଳେନାହିଁ। ଯେ ପର୍ଯ୍ୟନ୍ତ ତାଙ୍କର ମୃତ୍ୟୁ ହୋଇନାହିଁ ସେ ପର୍ଯ୍ୟନ୍ତ ଅଭିଯୁକ୍ତ ଏହି ଜେଲ୍ରେ ହିଁ ରହିଥାନ୍ତି। ବର୍ତ୍ତମାନ ଏହି ଜେଲରେ ୭ ଶହ କଏଦୀ ରହୁଛନ୍ତି। ସମସ୍ତଙ୍କୁ ଜାମିନ ବିହୀନ ଆଜୀବନ କାରାଦଣ୍ଡ ଦିଆଯାଇଛି। ଯଦି କଏଦୀମାନଙ୍କୁ ଜେଲ ଭିତରେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ନିଆଯାଏ, ତେବେ ସେହି ସମୟ ମଧ୍ୟରେ ମଧ୍ୟ ସେମାନେ ଆଖି ବୁଜି ଦିଅନ୍ତି। ତାହା ତାଙ୍କ ବାରାକ୍ ବ୍ୟତୀତ ଆଉ କେହି ଦେଖିପାରିବେ ନାହିଁ।
ଏହି ଜେଲ ଭିତରେ ଗାର୍ଡମାନେ ପ୍ରତି ୧୫ ମିନି୍ଟରେ ବନ୍ଦୀମାନଙ୍କୁ ଯାଞ୍ଚ କରିବାକୁ ଆସନ୍ତି। ଆହୁରି ମଧ୍ୟ ଯଦି ଏଠାକାର ଖାଦ୍ୟ ବିଷୟରେ କହିବା ତେବେ ବନ୍ଦୀମାନଙ୍କୁ ଜେଲରେ ଦିନକୁ ଚାରିଥର କେବଳ ସୁପ୍ ପିଇବାକୁ ଦିଆଯାଏ। ପ୍ରତିଦିନ ୯୦ ମିନିଟ୍ ପାଇଁ ବ୍ୟାୟାମ କରିବାକୁ ବନ୍ଦୀମାନେ ବାହାରକୁ ଯାଆନ୍ତି। ବନ୍ଦୀମାନଙ୍କୁ ସବୁବେଳେ ହ୍ୟାଣ୍ଡକପ୍ରେ ରଖାଯାଏ। ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଯେ, ବର୍ତ୍ତମାନ ପର୍ଯ୍ୟନ୍ତ ବନ୍ଦୀମାନେ ଜେଲରେ ଆଉ ୩୫ ଶହ କଏଦୀଙ୍କୁ ହତ୍ୟା କରିଛନ୍ତି। ଏଠାରେ କାର୍ଯ୍ୟ କରୁଥିବା ଜଣେ ଗାର୍ଡ କହିଛନ୍ତି, ଏଠାକୁ ଆସିଥିବା ସମସ୍ତ ବନ୍ଦୀ ନିଷ୍ଠୁର। ତାଙ୍କ ମନରେ ସ୍ନେହ କିମ୍ବା ଦୟା ଭାବନା ନାହିଁ।