ବାରିପଦା ଅଫିସ,୧୬।୩: ମୟୂରଭଞ୍ଜ ଜିଲା ବିଶୋଇ ଥାନା ଅଞ୍ଚଳରେ କଲରାପତରିଆ ବାଘ ଆକ୍ରମଣରେ ଦିଅର ଭାଉଜ ଗୁରୁତର ହୋଇଛନ୍ତି । ସେମାନେ ହେଲେ ଖଡମବେଡ଼ା ପଞ୍ଚାୟତ ତାରଣା ଗ୍ରାମର ଦଶରଥ ହାଁସଦା ଓ ମାଇନ ହାଁସଦା। ପରିବାର ଲୋକେ ତାଙ୍କୁ ଉଦ୍ଧାର କରି ରାଇରଙ୍ଗପୁର ଡାକ୍ତରଖାନାରେ ଭର୍ତ୍ତି କରିଛନ୍ତି।
ସୂଚନା ଅନୁଯାୟୀ, ମଙ୍ଗଳବାର ବିଳମ୍ବିତ ରାତିରେ ମାଇନ ବାହାରୁ ଉଠିଥିବା ବେଳେ ଏକ କଲରାପତରିଆ ବାଘ ହାବୁଡ଼ରେ ପଡିଯାଇଥିଲେ । ବାଘକୁ ଦେଖି ମାଇନ ପାଟି କରିବାରୁ ଦିଅର ଆସି ବାଘ ସହ ଲଢ଼େଇ କରିଥିଲେ ଉଭୟ ବାଘ ସହ ଲଢ଼େଇ କରି ଜୀବନ ବଞ୍ଚାଇ ପାରିଛନ୍ତି । ପାଟି ଶୁଣି ପରିବାର ଲୋକେ ସାହିପଡ଼ିଶା ଆସିିବାରୁ ବାଘ ଛାଡି ପଳାଇଥିଲା। ଖବରପାଇ ବିଶୋଇ ରେଞ୍ଜର ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି ।
