ଅନୁପମ୍ ଖେର୍ ଅଭିନୀତ ଫିଲ୍ମ ଦ କଶ୍ମୀର ଫାଇଲସକୁ ଭଲ ରିଭ୍ୟୁଜ ମିଳୁଛି । ବିବେକ ଅଗ୍ନିହୋତ୍ରୀଙ୍କ ନିର୍ଦ୍ଦେଶିତ ଏହି ଫିଲ୍ମଙ୍କୁ ପ୍ରାୟ ସମସ୍ତେ ପ୍ରଶଂସା କରୁଛନ୍ତି । କେବଳ ସାଧାରଣ ଲୋକେ ନୁହନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ଏହି ଫିଲ୍ମ ପସନ୍ଦ ଆସିଛି। ସେ ଫିଲ୍ମର ଟିମକୁ ସାକ୍ଷାତ କରି ସେମାନଙ୍କୁ ଶୁଭେଚ୍ଛା ଜଣାଇଛନ୍ତି ।
ଦ କଶ୍ମୀର ଫାଇଲସର ପ୍ରଯୋଜକ ଅଭିଷେକ ଅଗ୍ରୱାଲ ପିଏମ୍ ମୋଦିଙ୍କ ସହିତ ଟିମର ଫଟୋ ଶେୟାର କରିଛନ୍ତି । ଅଗ୍ନିହୋତ୍ରୀ ଏହି ଫଟୋ ଶେୟାର କରି ଲେଖିଛନ୍ତି ‘ମୁଁ ବହୁତ ଖୁସି କି ଅଭିଷେକ ଭାରତର ଏହି ଚାଲେଞ୍ଜପୂର୍ଣ୍ଣ ସତ୍ୟତାକୁ ଦର୍ଶାଇବା ପାଇଁ ସାହସ ଦେଖାଇଛନ୍ତି ।‘ ପ୍ରଯୋଜକ ଅଭିଷେକ ଅଗ୍ରୱାଲ ପିଏମ୍ଙ୍କ ସହ ଫଟୋ ଶେୟାର କରି ଲେଖିଛନ୍ତି ଯେ ‘ଆଦରଣୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାକ୍ଷାତ କରିବାର ଅନୁଭୁତି ଅତି ସୁଖଦ ଥିଲା । ଧନ୍ୟବାଦ ମୋଦି ଜୀ’।