ମୁମ୍ବାଇ: ରାଜସ୍ଥାନର ମାଧପୁରର ସିକ୍ସ ସେନ୍ସ ରିସର୍ଟରେ ଅଭିନେତ୍ରୀ କ୍ୟାଟ୍ରିନା କୈଫ୍ ଏବି ଭିକି କୌଶଲଙ୍କ ବିବାହ ଗୁରୁବାର ଅନୁଷ୍ଠିତ ହୋଇଥିଲା। ତେବେ ଆଜି ସକାଳେ ବରକନ୍ୟା ମାଧପୁରରୁ ଜୟପୁର ବିମାନବନ୍ଦରକୁ ଏକ ହେଲିକପ୍ଟରରେ ଯାଇଥିଲେ। ଏହି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି।
ଫଟୋରେ ଦେଖିବାକୁ ମିଳିଛି ନବଦମ୍ପତିଙ୍କ ଚାରିପାଖରେ କଡ଼ା ସୁରକ୍ଷା ରହିଛି। ଏହା ସତ୍ତ୍ୱେ ସେମାନଙ୍କ ଫଟୋ ଏବେ ସୋସିଆଲ ମିଡିଆରେ ଘୂରି ବୁଲୁଛି। କ୍ୟାଟ୍ରିନା ଏକ ହଳଦିଆ ରଙ୍ଗର ଡ୍ରେସ୍ ପିନ୍ଧି ହେଲିକପ୍ଟରରେ ଚଢ଼ୁଥିବା ନଜର ଆସିଛନ୍ତି।
ଅଭିନେତ୍ରୀ ପ୍ରିୟଙ୍କା ଚୋପ୍ରା, ଦୀପିକା ପାଦୁକୋନ, ଅନୁଷ୍କା ଶର୍ମା, ଆଲିଆ ଭଟ୍ଟ, ସାରା ଅଲୀ ଖାନ, ପ୍ରୀତି ଜିଣ୍ଟା, ଅଭିଷେକ ବଚ୍ଚନ ଏବଂ ବଲିଉଡ୍ର ଅନେକ ସେଲିବ୍ରିଟି ସୋସିଆଲ ମିଡିଆରେ ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି।
