ମୁମ୍ବାଇ: ବଲିଉଡର ଆଉ ଏକ ବିବାଦୀୟ ମୁଭି ‘ଦ କେରଲା ଷ୍ଟୋରି’ ଏବେ ଖୁବ ଚର୍ଚ୍ଚାରେ। ଫିଲ୍ମରେ ଅଦା ଶର୍ମା ଲିଡ ରୋଲ ପ୍ଲେ କରୁଛନ୍ତି। ସୁଦିପ୍ତୋ ସେନଙ୍କ ନିର୍ଦ୍ଦେଶନାରେ ନିର୍ମାଣ କରାଯାଇଥିବା ମୁଭି ‘ଦ କେରଲା ଷ୍ଟୋରି’ ସିନେମା ହଲରେ ରେକର୍ଡ କରିବା ପଥରେ ଅଗ୍ରସର ହେଉଛି। ଦର୍ଶକଙ୍କର ଖୁବ୍ ଭଲ ରେସପନ୍ସ ରହିଛି ଏହି ମୁଭି ପ୍ରତି। ବକ୍ସ ଅଫିସରେ ମୁଭି ସଲମାନ ଖାଁଙ୍କୁ ପଛରେ ପକାଇ ଦେଇଛି। ଫିଲ୍ମର ଚତୁର୍ଥ ଦିନର କଲେକ୍ସନ ‘କିସି କା ଭାଇ କିସି କି ଜାନ’କୁ ପଛରେ ପକାଇ ଦେଇଛି। ଟ୍ରେଡ ଆନାଲିଷ୍ଟଙ୍କ ଆକଳନ ଅନୁଯାୟୀ, ଏହି ମୁଭି ଖୁବଶୀଘ୍ର କଲେକ୍ସନରେ ନୂଆ ରେକର୍ଡ କରିବ ବୋଲି କୁହାଯାଉଛି।
ଧର୍ମ ପରିବର୍ତ୍ତନକୁ ନେଇ ନିର୍ମାଣ କରାଯାଇଥିବା ମୁଭି ‘ଦ କେରଲା ଷ୍ଟୋରି’ ବବାଲ କରୁଛି। ଫିଲ୍ମକୁ ପଶ୍ଚିମବଙ୍ଗରେ ବ୍ୟାନ କରାଯାଇଥିବା ବେଳେ ଉତ୍ତର ପ୍ରଦେଶ ଓ ମଧ୍ୟ ପ୍ରଦେଶରେ ଏହାକୁ ଟ୍ୟାକ୍ସ ଫ୍ରି କରି ଦିଆଯାଇଛି। ସୂଚନାଯୋଗ୍ୟ, ଚତୁର୍ଥ ଦିନରେ ମୁଭି ‘ଦ କେରଲା ଷ୍ଟୋରି’ ୪୫ କୋଟିରୁ ଅଧିକ ଆୟ କରିଛି। ଏଥିରୁ ଅନୁମାନ କରାଯାଉଛି କି ମୁଭି ଖୁବଶୀଘ୍ର ୫୦ କୋଟିରେ ପହଞ୍ଚିଯିବ।