ଡେରାବିଶ,୫।୩(ସ୍ବ.ପ୍ର.): ମା’ବାପାଙ୍କ ଅତ୍ୟାଧିକ ସ୍ନେହ ଯୋଗୁ ପିଲାମାନେ କିପରି ବାଟ ହୁଡୁଛନ୍ତି ତା’ର ଏକ ଉଦାହରଣ ଡେରାବିଶରେ ଦେଖିବାକୁ ମିଳିଛି। ଡେରାବିଶ ଥାନା ଅଞ୍ଚଳର ଜଣେ ନାବାଳକ(୧୭) ବାପାଙ୍କ ଏଟିଏମ୍ କାର୍ଡ ନେଇ ୭୮ ହଜାର ଟଙ୍କା ଉଠାଇ ସାଙ୍ଗମାନଙ୍କ ସହ ମିଶି ଖର୍ଚ୍ଚ କରି ଦେଇଥିଲେ। ମା’ବାପା ଏକଥା ଜାଣିବା ପରେ ଘରେ ଅଶାନ୍ତି ସୃଷ୍ଟି ହୋଇଥିଲା ା ପରିବାର ଲୋକଙ୍କ ରୋଷରୁ ବର୍ତ୍ତିବାକୁ ନାବାଳକ ଜଣକ ବୁଧବାର ରାତିରେ ନିଜକୁ ଅପହରଣ କରି ନିଆଯାଇଥିବା ନାଟକ ରଚିଥିଲେ। ବୁଧବାର ରାତି ୮ଟା ୪୫ରେ ଥାନା ଆଇଆଇସି ଉମାକାନ୍ତ ନାୟକଙ୍କ ପାଖକୁ ନାବାଳକଙ୍କ ବାପା ଫୋନ୍ କରି ତାଙ୍କ ପୁଅକୁ କେହି ଅପହରଣ କରି ନେଇଯାଇଥିବା ଜଣାଇଥିଲେ। ଆଇଆଇସି ନାୟକ ପୋଲିସ୍ ଟିମ୍ ସହ ନାବାଳକଙ୍କ ଗଁାରେ ପହଞ୍ଚତ୍ ଥିଲେ। ସେଠାରେ ଚାବି ଲାଗିଥିବା ଏକ ବାଇକ୍କୁ ଉଦ୍ଧାର କରିଥିଲେ। ନାବାଳକଙ୍କୁ କେହି ଅପହରଣ କରି ନେଇଥିବା ତାଙ୍କ ମୋବାଇଲ୍ରୁ ଜଣେ ସାଙ୍ଗଙ୍କ ପାଖକୁ ମେସେଜ୍ ଆସିଥିବା ପୋଲିସ ଦେଖିଥିଲା। ଏହି ଘଟଣାକୁ ନେଇ ପୋଲିସ ଏସ୍ପି ମଡ଼କର ସନ୍ଦୀପ ସମ୍ପଦଙ୍କୁ ଜଣାଇଥିଲେ। ଏସ୍ପିଙ୍କ ନିର୍ଦ୍ଦେଶକ୍ରମେ ସମ୍ପୃକ୍ତ ନାବାଳକଙ୍କ ଫୋନ୍କୁ ଟ୍ରାକିଂ କରାଯାଇଥିଲା ା ପରେ ଯାଜପୁର ଜିଲା ବାଲିଚନ୍ଦ୍ରପୁର ଥାନା ଭାକୁଡ଼ରେ ନାବାଳକ ଥିବା ପୋଲିସ ଜାଣିବାକୁ ପାଇଥିଲା। ଆଇଆଇସି ନାୟକଙ୍କ ନେତୃତ୍ୱରେ ୫ ପୋଲିସ ଅଧିକାରୀ ଭାକୁଡ଼ାଠାରେ ପହଞ୍ଚତ୍ ଥିଲେ। ନାବାଳକ ଜଣକ ପୋଲିସ ଗାଡ଼ି ଦେଖି ଦୌଡିବାକୁ ଲାଗିଥିଲେ। ନାବାଳକଙ୍କୁ ପୋଲିସ କାବୁ କରିବା ପରେ ତାଙ୍କୁ ଏକ ବୋଲେରୋରେ କେହି ଅପହରଣ କରି ନେଇଥିଲେ, ଭାକୁଡ଼ ଛକରେ ଗାଡ଼ିରୁ ପେଲି ଦ୍ରୁତଗତିରେ ଚଣ୍ଡିଖୋଲ ଆଡ଼କୁ ପଳାଇଥିବା ସେ କହିଥିଲେ। ପୋଲିସ ବୋଲୋର ପିଛା କରି କୌଣସି ସନ୍ଧାନ ନ ପାଇବାରୁ ନାବାଳକଙ୍କୁ ଧରି ଥାନାକୁ ଫେରିଥିଲା। ନାବାଳକ ଉପରେ ପୋଲିସର ସନ୍ଦେହ ବଢ଼ିଥିଲା। ଏ ସମ୍ପର୍କରେ ତାଙ୍କୁ ପଚରାଉଚରା କରିବାରୁ ସେ ସତ କ’ଣ ପୋଲିସ୍ ଆଗରେ କହିଥିଲେ। ବାପାଙ୍କ ଏଟିଏମ୍ରୁ ପ୍ରଥମେ ସେ ୩୭ ଓ ପରେ ୪୦ ହଜାର ଟଙ୍କା ଉଠାଇ ସାଙ୍ଗମାନଙ୍କ ସହ ମିଶି ଖର୍ଚ୍ଚ କରି ଦେଇଥିଲେ। ଏ ବିଷୟ ମା’ବାପା ଜାଣିଯିବାରୁ କ୍ରୋଧରୁ ବଞ୍ଚତ୍ବାକୁ ରାତିରେ ବାଇକ୍ ଧରି ଘର ପାଖ ବଜାରକୁ ଆସିଥିଲେ। ସେଠାରେ ବାଇକ୍କୁ ଛାଡି ଏକ ବୋଲେରୋ ଲିପ୍ଟ ମାଗି ଚଣ୍ଡିଖୋଲ ପଳାଇ ଯାଇଥିଲେ। ପରେ ତାଙ୍କ ମୋବାଇଲ୍ରୁ ଜଣେ ସାଙ୍ଗକୁ ଅପହରଣ ମେସେଜ୍ ଦେଇ ମୋବାଇଲକୁ ସୁଇଚ୍ ଅଫ୍ କରି ଦେଇଥିବା ସେ ପୋଲିସ୍ ଆଗରେ ସ୍ବୀକାର କରିଥିଲେ। ଏଭଳି ଘଟଣା ପାଇଁ ପୋଲିସ ରାତିସାରା ଅନିଦ୍ରା ହୋଇ ନାକେଦମ୍ ହେବାକୁ ପଡିଥିଲା।