ଲଣ୍ଡନ,୨୬ା୪:ବ୍ରିଟେନ୍ ରାଜାଙ୍କ ୪ଟି ଘୋଡ଼ା ବୁଧବାର ପୂର୍ବାହ୍ନର ଗହଳି ସମୟରେ କେନ୍ଦ୍ରୀୟ ଲଣ୍ଡନରେ ବିନା ସବାରରେ ଦୌଡ଼ୁଥିବା ଦେଖିବାକୁ ମିଳିଥିଲା। ସେଥିରୁ ୨ଟି ଘୋଡ଼ା କୌଣସି ଗାଡ଼ି ସହ ଧକ୍କା ଦେବାରୁ ତା’ର ଛାତି ଓ ଗୋଡ଼ରେ ରକ୍ତ ଲାଗିଥିବା ଦେଖାଯାଇଥିଲା। ୩ ଜଣ ସୈନ୍ୟ ଓ ଜଣେ ସରକାରୀ କର୍ମଚାରୀ ମଧ୍ୟ ଆହତ ହୋଇଥିଲେ। ରାସ୍ତାରେ ଘୋଡ଼ା ମୁକୁଳା ବୁଲିବାକୁ ନେଇ ଭୟର ବାତାବରଣ ସୃଷ୍ଟି ହୋଇଥିଲା। ସକାଳର ନିୟମିତ ବ୍ୟାୟାମ ବେଳେ ସୈନ୍ୟବାହିନୀର ଏହି ଘୋଡ଼ାଗୁଡ଼ିକୁ ମୁକ୍ତ କରାଯାଇଥିଲା। ଆହତ ୨ ଘୋଡ଼ାର ଅସ୍ତ୍ରେପଚାର କରାଯାଇଛି। ସେମାନେ ଖୁବ୍ଶୀଘ୍ର ଡ୍ୟୁଟିକୁ ଫେରିବେ ବୋଲି ଆଶା କରାଯାଉଛି।