ମହାକାଳପଡ଼ା,୩୦।୧୨(ଡି.ଏନ୍.ଏ.): ଉଭୟ କେନ୍ଦ୍ର ଓ ରାଜ୍ୟ ସରକାର ମୌଳିକ ସେବା ତଥା ଶିକ୍ଷା, ସ୍ବାସ୍ଥ୍ୟ, ପାନୀୟଜଳ, ଗମନାଗମନ ଆଦିର ବିକାଶ ପାଇଁ ସରକାର ଅର୍ଥ ଖର୍ଚ୍ଚ କରୁଛନ୍ତି। ଅଦ୍ୟାବଧି ଅନେକ ଅଞ୍ଚଳରେ ଏହି ମୌଳିକ ସେବାରୁ ବଞ୍ଚତ୍ତ ହେଉଥିବା ଦେଖିବାକୁ ମିଳୁଛି। ଏହାର ଏକ ଉଦାହରଣ ଦେଖିବାକୁ ମିଳୁଛି କେନ୍ଦ୍ରାପଡା ଜିଲା ମହାକାଳପଡା ବ୍ଲକର ସ୍ଥାନୀୟ ପେଟ୍ ଛେଲା ପଞ୍ଚାୟତର ଶବରପଡ଼ା ଗାଁର କରୁଣ ଚିତ୍ର। ଏହି ପଡାରେ ଅନେକ ପରିବାର ସରକାରୀ ଜଙ୍ଗଲିଆ ଜମିରେ ପିଢ଼ିପିଢ଼ି ଧରି ବସବାସ କରି ଆସୁଛନ୍ତି। ଏମାନେ ମୟୂରଭଞ୍ଜ ଜିଲା ମୂଳବାସିନ୍ଦା। ମାଛ, କଙ୍କଡା, ନଦୀ, ସମୁଦ୍ରରୁ ଧରି ଜୀବିକା ନିର୍ବାହ କରିଥାନ୍ତି। ଏହି ପଡାରେ ଶହେରୁ ଅଧିକ ପାରିବାର। ଏହି ଶିଶୁମାନେ ଶିଶୁ ଖାଦ୍ୟରୁ ବଞ୍ଚିତ ହେବା ଶହ ଶାରୀରିକ, ମାନସିକ ଦୁର୍ବଳ ଦେଖିବାକୁ ମିଳିଛି। ଖାଦ୍ୟ ପାଇଁ କିଏ ମୂଷା ଗାତରୁ ଧାନ ସଂଗ୍ରହ କରୁଛି ତ, କିଏ ଦାଦନ ଖଟୁଛନ୍ତି। କରୋନା ପାଇଁ ପାଠପଢା ଠପ୍ ହୋଇଛି। ଏହିପଡାର କେତେକ ପରିବାର ମା’ବାପା, ଦାଦନ ଖଟିବାକୁ ଯାଉଥିବା ବେଳେ ଶିଶୁମାନେ ସ୍କୁଲ ବନ୍ଦ ଯୋଗୁ ରୋଷେଇ ଶାଳରେ ପାଠ ପଢିବା ଦେଖିବାକୁ ମିଳିଛି। ଏହାର ଏକ ଉଦାହରଣ ଦେଖିବାକୁ ମିଳୁଛି ଏହି ଶବରପଡାର ବାପ ଛେଉଣ୍ଡ ଶିଶୁମାନେ ଅତି ଦହନୀୟ ଜୀବନ ବିତାଉଛନ୍ତି। ଗାଁର ଶ୍ରୀରାମ ଚୋପିଆର ପରିବାର, ୫ ବର୍ଷ ପୂର୍ବରୁ ଆରପାରିରେ। ମା’ ମତି ଚୋପିଆର୍ ଦାଦନ ଖଟିବାକୁ ଠିକାଦାରର ଶୋଷଣର ଶିକାର ହେଉଛନ୍ତି। ଏପଟେ ଦୁଇ ଶିଶୁକନ୍ୟା ସୁମିତ୍ରା(୧୨)ସପ୍ତମ ଶ୍ରେଣୀରେ ପଢୁଥିବା ବେଳେ ମାଳତୀ(୧୦) ପଞ୍ଚମରେ ଓ ସାନପୁଅ ମୋହନ ନିକଟ ଅଙ୍ଗନଓ୍ବାଡି କେନ୍ଦ୍ରରେ ନାଁ ଲେଖାଇଛନ୍ତି। ହେଲେ ଅଣ୍ଡା, ଛତୁଆ ମିଳୁ ନ ଥିବା ମୋହନ କହିଛନ୍ତି। ଏହି ପରିବାରକୁ ଆବାସ ଗୃହ ଯୋଜନା ସାତ ସପନ। ଏହିପରି ଗାଁର ଅନେକ ପରିବାର ଅବହେଳିତ, ଦୁର୍ଦ୍ଦିନରେ ଜୀବନ ବିତାଉଛନ୍ତି। ଏହି ଦୁର୍ଦ୍ଦିନ ପରିବାରକୁ ସରକାରୀ, ବେସରକାରୀ ସଙ୍ଗଠନ ପକ୍ଷରୁ ସହାୟତା ଯୋଗାଇ ଦେବାକୁ ସାମାଜିକ କର୍ମୀ ସୁବାସ ସ୍ବାଇଁ, ପରିବେଶ ପ୍ରେମୀ ସମରେନ୍ଦ୍ର ମାହାଳି ପ୍ରଶାସନ ନିକଟର ଦାବି କରିଛନ୍ତି।