କଟକ ଅଫିସ,୯।୧୦: ରୁଚି ଫ୍ରୋଜିଟ୍ର ସର୍ବବୃହତ୍ ଷ୍ଟୋର ରବିବାର କଟକ ମହାନଦୀ ବିହାରରେ ଶୁଭାରମ୍ଭ ହେବ। ଓଡ଼ିଆ ଅଭିନେତ୍ରୀ ଅର୍ଚ୍ଚିତା ସାହୁ ଏବଂ ଅଭିନେତା ଶୁଭାଶିଷ୍ ଏହାର ଉଦ୍ଘାଟନ କରିବେ। ଶୁକ୍ରବାର ସ୍ଥାନୀୟ ଲିଙ୍କ୍ ରୋଡ୍ସ୍ଥିତ ଏକ ହୋଟେଲରେ ଅନୁଷ୍ଠିତ ଖବରଦାତା କାର୍ଯ୍ୟକ୍ରମରେ ରୁଚିର ପରିଚାଳନା ନିର୍ଦ୍ଦେଶକ ଶରତ ସାହୁ ଏବଂ ନିର୍ଦ୍ଦେଶିକା ରଶ୍ମି ସାହୁ ଏ ସମ୍ପର୍କରେ ସୂଚନା ଦେଇଛନ୍ତି। ଏହି ନୂତନ ଆଉଟ୍ଲେଟ୍ରେ ଲୋକମାନେ ଖାଦ୍ୟ ଖାଇବା ସହ ରୁଚି ଏବଂ ଫ୍ରୋଜିଟ୍ର ବିଭିନ୍ନ ସାମଗ୍ରୀ ସହଜରେ କ୍ରୟ କରିପାରିବେ। ଏଥିରେ ବିଭିନ୍ନ ଅର୍ଗାନିକ୍ ସାମଗ୍ରୀ ମଧ୍ୟ ଗ୍ରାହକଙ୍କ ଚାହିଦା ଅନୁସାରେ ଉପଲବ୍ଧ ରହିବ। କଟକର ବିଭିନ୍ନ ପର୍ବପର୍ବାଣି ସମୟରେ ସ୍ବତନ୍ତ୍ର ପାରମ୍ପରିକ ଖାଦ୍ୟ ପ୍ରସ୍ତୁତ କରାଯିବ ବୋଲି ଫ୍ରୋଜିଟ୍ର ମୁଖ୍ୟ ରଶ୍ମି ସାହୁ ମତବ୍ୟକ୍ତ କରିଥିଲେ। ଶରତ କୁମାର ସାହୁ କହିଥିଲେ, ଫ୍ରୋଜିଟ୍ର ଏହି ଆଉଟ୍ଲେଟ୍ ଅନ୍ତର୍ଜାଜୀୟ ସ୍ତରର ନୂଆ ଏବଂ କଟକବାସୀଙ୍କ ପାଇଁ ସ୍ବତନ୍ତ୍ର ରହିବ। ରୁଚି ଦ୍ୱାରା ପରିଚାଳିତ ଫ୍ରୋଜିଟ୍ ଡିଭିଜନ ବିଗତ ୧୦ ବର୍ଷ ଧରି ବିଭିନ୍ନ ପ୍ରକାର ରେଡି ଟୁ ଇଟ୍, ରେଡି ଟୁ କୁକ୍, ବେକରୀ, ପ୍ରଡକ୍ଟ ଯୋଗାଇଦେଉଛି। ଉଦ୍ଘାଟନ ଉତ୍ସବରେ ସମସ୍ତ ଗ୍ରାହକଙ୍କୁ ସ୍ବତନ୍ତ୍ର ରିହାତି ପ୍ରଦାନ କରାଯିବ।
