ଭୁବନେଶ୍ୱର,୨୨।୨ ରାଜ୍ୟର ପ୍ରମୁଖ ଅଳଙ୍କାର ବ୍ରାଣ୍ଡ ଖିମ୍ଜୀ ଜୁଏଲର୍ସ ପକ୍ଷରୁ ଏକ ଅଭିନବ କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି। ଫଳରେ ପ୍ରତିଷ୍ଠାନ ଏକ ‘ପରିଷ୍କାର ସ୍ମାର୍ଟ ସିଟି’ ଆଡ଼କୁ ଆଉ ଏକ ଛୋଟ ପଦକ୍ଷେପ ସହ ଏହାର କର୍ମଚାରୀମାନଙ୍କ ପାଇଁ ଇ-ଯାନ ସହ ‘ଗୋ ଗ୍ରୀନ୍’ ପଦକ୍ଷେପକୁ ମଧ୍ୟ ଆପଣାଇଛି। ଏହି ପଦକ୍ଷେପ ଅନୁଯାୟୀ ଖିମ୍ଜୀ ଜୁଏଲର୍ସର ସମସ୍ତ କର୍ମଚାରୀ ପରିବେଶ ଉପରେ ସକାରାମତ୍କ ପ୍ରଭାବ ପକାଇବା ପାଇଁ ବର୍ତ୍ତମାନଠାରୁ ଇ-ଯାନରେ ଚଳାଚଳ କରିବେ। ଏପରିକି ଭୁବନେଶ୍ୱରର ‘ଲେଟ୍ସ ଡ୍ରାଇ ଇଭ୍’ ସହ ସହଭାଗିତା କରି ଖିମ୍ଜୀ ଜୁଏଲର୍ସ ରୋଲ୍ ଆଧାରରେ ଏହି ଗାଡ଼ିଗୁଡିକ ଜରିଆରେ ଇ-ଯାନ ସେବାର ଆରମ୍ଭ କରିଛି। ଏ ସମ୍ପର୍କରେ ଖିମ୍ଜୀ ଜୁଏଲର୍ସର ନିର୍ଦ୍ଦେଶକ ମିତେଶ ଖିମ୍ଜୀ କହିଛନ୍ତି, ଏକ ଦାୟିତ୍ୱବାନ ନାଗରିକ ଓ ଅନୁଷ୍ଠାନ ହୋଇଥିବାରୁ ଖିମ୍ଜୀ ଜୁଏଲର୍ସ ଲୋକମାନଙ୍କ ପାଇଁ ଏକ ଉତ୍ତମ ପରିବେଶ ସୃଷ୍ଟି କରିବାରେ ପ୍ରତିବଦ୍ଧ। ଖିମ୍ଜୀ ଜୁଏଲର୍ସର ‘ଗୋ ଗ୍ରୀନ୍’ ପଦକ୍ଷେପ କେବଳ ଏହାର କର୍ମଚାରୀମାନଙ୍କ ପାଇଁ ପ୍ରଦୂଷଣମୁକ୍ତ ଯାତାୟାତକୁ ପ୍ରୋସତ୍ାହିତ କରିବ ନାହିଁ ବରଂ ଏକ ସବୁଜ ପରିବେଶ ପାଇଁ ମଧ୍ୟ ଏଭଳି ପଦକ୍ଷେପ ନେବାକୁ ଅନ୍ୟମାନଙ୍କୁ ଉସତ୍ାହିତ କରିବ ବୋଲି ସେ ମତବ୍ୟକ୍ତ କରିଛନ୍ତି।