ବଇଣ୍ଡା,୧୦ା୨(ଡି.ଏନ.ଏ.) ତ୍ରିସ୍ତରୀୟ ପଞ୍ଚାୟତ ନିର୍ବାଚନକୁ ନେଇ ଗାଁ ଗହଳିରେ ଏବେ ରାଜନୈତିକ ଉଷ୍ମତା ବୃଦ୍ଧି ପାଇଛି। ପ୍ରତ୍ୟେକ ଗାଁରେ ପ୍ରଚାର ଜମୁଥିବାବେଳେ ବୁଧବାର କିଶୋରନଗର ବ୍ଲକ ୧୨ ନମ୍ବର ଜୋନ୍ ବିଜେଡି ଜିଲା ପରିଷଦ ପ୍ରାର୍ଥୀ ଅନୁପମା ସାହୁଙ୍କ ପାଇଁ ନିର୍ବାଚନ ପ୍ରଚାର ଆରମ୍ଭ କରିଛନ୍ତି ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାଏ। ୧୨ ନମ୍ବର ଜୋନର ସଞ୍ଜାମୁରା ପଞ୍ଚାୟତରେ ପ୍ରଥମେ ଗାଁ ଠାକୁରାଣୀଙ୍କଠାରେ ପୂଜାର୍ଚ୍ଚନା କରି ବିଧାୟକ ସଞ୍ଜାମୁରା, ଗମ୍ଭାରୀମଳିହା, କୁମ୍ଭାରମୁଣ୍ଡା, ବ୍ରାହ୍ମଣୀଦେଇ ଆଦି ଗ୍ରାମରେ ପ୍ରଚାର କରିଥିଲେ। ବିଜେଡି ପ୍ରାର୍ଥୀ ଅନୁପମା ସାହୁଙ୍କୁ ଭୋଟ ଦେବାକୁ ବିଧାୟକ ଗ୍ରାମବାସୀଙ୍କୁ ନିବେଦନ କରିଥିଲେ। ବିଧାୟକଙ୍କ ସହ ବିଜେଡି ନେତ୍ରୀ ଝରଣା ନାୟକ, ବିବଚ୍ଛ ସାହୁ, କୁଶ ନାୟକ, ଅଭିମନ୍ୟୁ ନାୟକ, କ୍ଷୀରୋଦ ନାୟକ, ଗଙ୍ଗାଧର ପ୍ରଧାନ ପ୍ରମୁଖ ଯୋଗଦେଇ ଭୋଟ ପାଇଁ ପ୍ରଚାର କରିଥିଲେ।
