ନୀଳଗିରି,୫।୨(ସ୍ବ ପ୍ର): ବାଲେଶ୍ୱର ଜିଲା ନୀଳଗିରି ବନ ବିଭାଗ ଅଧୀନ ଅଯୋଧ୍ୟା ମିତ୍ରପୁର ରାସ୍ତା ପାଟଣାଠାରେ ରବିବାର ଅଜଣା ଗାଡି ଧକ୍କାରେ ୨ ଛୁଆ ସହ ମା’ ଭାଲୁର ମୃତ୍ୟୁ ଘଟିଛି।
ଭୋର ସମୟରେ ୨ ଛୁଆ ସହ ମା’ ଭାଲୁ ରାସ୍ତାପାର ହେଉଥିବା ସମୟରେ ଅଯୋଧ୍ୟା ମିତ୍ରପୁର ରାସ୍ତା ପାଟଣାଠାରେ ଏକ ଅଜଣା ଗାଡ଼ି ସେମାନଙ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ୩ଟି ଭାଲୁଙ୍କର ମୃତ୍ୟୁ ଘଟିଛି। ଘଟଣାସ୍ଥଳରେ ନୀଳଗିରି ବନ ବିଭାଗର ରେଞ୍ଜର ଆଇଶା ଅକତାରି ନିଶା ଓ ଅନ୍ୟ କର୍ମଚାରୀ ପହଞ୍ଚି ତଦନ୍ତ କରିଛନ୍ତି। ଏହା ସହ ଭାଲୁଙ୍କ ମୃତଦେହ ଜବତ କରିବା ପରେ ପଶୁ ଚିକିତ୍ସାକ ଉପସ୍ଥିତରେ ମୃତ ଭାଲୁଙ୍କର ମୃତଦେହ ବ୍ୟବଚ୍ଛେଦ କରାଜାଇ ସଜନାଗଡ଼ ନିକଟ ନର୍ସରୀରେ ପୋତା ଯାଇଛି।