ଛତ୍ରପୁର,୩।୧୦(ଦିଲ୍ଲୀପ ସାମଲ): ଗଞ୍ଜାମ ଜିଲା ଛତ୍ରପୁର ବ୍ଲକ ଅନ୍ତର୍ଗତ ସାନ ଆର୍ଯ୍ୟପଲ୍ଲୀ ସ୍ଥିତ ଓଡ୍ରାଫ କଲୋନୀଠାରେ ଏକ ଦୁଖଃଦ ଘଟଣା ଦେଖିବାକୁ ମିଳିଛି । ପାଣି ଡ୍ରମରେ ବୁଡି ଜଣେ ଦେଢବର୍ଷର ଶିଶୁର ମୃତ ଘଟିଛି । ମୃତ ଶିଶୁ ଜଣକ ହେଲେ ୱାଇ ଅଜିତ ବୋଲି ଜଣାପଡିଛି ।
ସୂଚନା ଅନୁଯାୟୀ, ସାନଆର୍ଯ୍ୟପଲ୍ଲୀ ଗ୍ରାମକୁ ଗତ ଦେଢ ମାସ ତଳେ ୱାଇ ଡିଲମ୍ମା ତାଙ୍କ ସ୍ବାମୀ ଏବଂ ଦେଢବର୍ଷର ଶିଶୁକୁ ଧରି ତାଙ୍କ ଭାଇ ଘରକୁ ଆସି ରହୁଥିଲେ। ମଙ୍ଗଳବାର ଡିଲମ୍ମା ତାଙ୍କ ଘରେ ରୋଷେଇ କରୁଥିବା ବେଳେ ତାଙ୍କ ଦେଢ ବର୍ଷ ପୁଅ ଅଜିତ ଘରଭିତରେ ପାଣି ଡ୍ରମ ନିକଟରେ ଖେଳୁଥିଲେ । କିଛି ସମୟ ପରେ ଡିଲମ୍ମା ତାଙ୍କ ପୁଅ କୁଆଡେ ଗଲେ ବଲି ଖୋଜା ଖୋଜି କରିଥିଲେ। ମାତ୍ର ପୁଅକୁ ପାଇ ନ ଥିଲେ। ପରେ ଦେଖିଲେ ତାଙ୍କ ଘରେ ଥିବା ପାଣି ଡ୍ରମରେ ପୁଅ ପଡିଯାଇଛି ।ପରେ ପୁଅକୁ ଉଦ୍ଧାର କରି ଛତ୍ରପୁର ମେଡିକାଲରେ ଭର୍ତ୍ତି କରିଥିଲେ ମଧ୍ୟ ଡାକ୍ତର ଶିଶୁପୁତ୍ରକୁ ମୃତ ଘୋଷଣା କରିଥିଲେ । ଏହି ଘଟଣାରେ ଗ୍ରାମରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଛି ।
