ନିରାକାରପୁର,୧ା୯(ଡି.ଏନ୍.ଏ.): ଖୋର୍ଦ୍ଧା ଜିଲା ଜଙ୍କିଆ ଥାନା ଅନ୍ତର୍ଗତ ଚାନେଗିରି ପଞ୍ଚାୟତ ରମାବିଲି ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଉକ୍ତ ଗ୍ରାମର ପ୍ରକାଶ ପ୍ରଧାନଙ୍କ ଅଢ଼େଇ ବର୍ଷର ଝିଅ ରାଣୀ ପାଣିରେ ବୁଡ଼ି ମୃତ୍ୟୁ ଘଟିଛି।
ସୂଚନାରୁ ଜଣାପଡ଼ିଛି, ରାଣୀ ସବୁଦିନ ପରି ଗୁରୁବାର ତା’ ଜେଜେଙ୍କ ସାଙ୍ଗରେ ଗାଧୋଇବା ପାଇଁ ପୋଖରୀକୁ ଯାଇଥିଲୋ। ପରିବାର ଲୋକେ ବହୁ ଖୋଜାଖୋଜି କରି ନ ପାଇବାରୁ ସନ୍ଦେହରେ ପୋଖରୀରେ ବୁଡ଼ିଯାଇଥିବ ଭାବି ଦମକଳ ବିଭାଗକୁ ଫୋନ୍ କରିଥିଲେ। ଖବର ପାଇ ଦମକଳ ବାହିନୀ କର୍ମଚାରୀମାନେ ଆସି ରାଣୀଙ୍କ ମୃତଦେହ ରମାବିଲି ନିକଟରେ ଥିବା ଏକ ପୋଖରୀରୁ ଉଦ୍ଧାର କରିଥିଲେ।