୨୯ ବର୍ଷୀୟା ଜଣେ ଗର୍ଭବତୀ ମହିଳାଙ୍କ ପାଦ ଖସିଯିବାରୁ ପେଟରେ ଥିବା ପିଲାଟାର ଜୀବନ ଚାଲିଗଲା। ଏନେଇ ମହିଳାଙ୍କୁ ୯ ବର୍ଷ ଜେଲ୍ଦଣ୍ଡ ଭୋଗିବାକୁ ପଡ଼ିଲା। ବର୍ତ୍ତମାନ ସେ ଜେଲ୍ରୁ ମୁକୁଳିଛନ୍ତି। ବାହାରକୁ ଆସି ସେ ସରକାରଙ୍କୁ ଅନୁରୋଧ କରିଛନ୍ତି ଯେ, ଗର୍ଭପାତ ସହ ଜଡ଼ିତ ଆଇନ କାନୁନକୁ ବଦଳାଇ ଦିଅନ୍ତୁ। ନଚେତ୍ ତାଙ୍କ ପରି ଅନେକ ମହିଳା ଅସୁବିଧାରେ ପଡ଼ିବେ।
୨୦୧୨ ମସିହାରେ ସାରା ରୋଗେଲ ଗାର୍ସିଆ ୮ ମାସର ଗର୍ଭବତୀ ଥିଲେ। ସେ କପଡ଼ା ଧୋଉଥିବା ସମୟରେ ତାଙ୍କ ଗୋଡ଼ ଖସିଗଲା। ପରେ ସେ ବେହୋସ ହୋଇଗଲେ। ଯେତେବେଳେ ତାଙ୍କର ହୋସ୍ ଆସିଲା ଦେଖିଲେ ସେ ହସ୍ପିଟାଲ ବେଡ୍ରେ ଶୋଇଛନ୍ତି। ଏହାର ୪ ଦିନ ପରେ ତାଙ୍କୁ ଜେଲ୍ରେ ସଜା କାଟିବାକୁ ଶୁଣାଇ ଦିଆଯାଇଥିଲା। କାରଣ ତାଙ୍କ ଯୋଗୁ ପିଲାଟିର ମୃତ୍ୟୁ ହେଲା। ଏଥିପାଇଁ ସେ ୯ ବର୍ଷ ଜେଲ୍ଦଣ୍ଡ ଭୋଗିବେ। କିଛିଦିନ ତଳେ ସାରା ଜେଲ୍ରୁ ମୁକୁଳିଛନ୍ତି। ସେ କହିଛନ୍ତି, ମୋ ସହ ଏକ ଦୁର୍ଘଟଣା ଘଟିଲା। ଏଥିରେ ମୋର କିଛି ଦୋଷ ନ ଥିଲା।
ସୂଚନାଯୋଗ୍ୟ, ସାଲ୍ଓ୍ବାଡୋରରେ ଗର୍ଭପାତକୁ ନେଇ ବହୁତ କଡ଼ା ଆଇନ ରହିଛି। ଯଦି କୌଣସି ମହିଳାଙ୍କର ମନକୁ ଗର୍ଭପାତ ହୁଏ କିମ୍ବା ଜରୁରିକାଳୀନ ପରିସ୍ଥିତିରେ ଗର୍ଭପାତ କରାଇବାକୁ ହୁଏ ତେବେ ଏହାର ପ୍ରଭାବ ସମ୍ପୃକ୍ତ ଗର୍ଭବତୀଙ୍କ ଉପରେ ପଡ଼ିଥାଏ। ଏପରିକି ଗର୍ଭପାତ ଅଭିଯୋଗରେ ଗର୍ଭବତୀଙ୍କୁ ଜେଲ୍ଦଣ୍ଡ ଭୋଗିବାକୁ ହୋଇଥାଏ। ଯାହା ସାରାଙ୍କ କ୍ଷେତ୍ରରେ ଘଟିଲା।