କୋକସରା,୯।୬(ଡି.ଏନ୍.ଏ.): ନବରଙ୍ଗପୁର ଜିଲା ମୈଦଳପୁରରୁ ଆମପାଣି ଘାଟି ରାସ୍ତା ଦେଇ କଳାହାଣ୍ଡି ଜିଲାକୁ ଚାଲାଣ ହେଉଥିବା ୫ ପେଟି ବିଦେଶୀ ମଦ ସହ ଏକ ବାଇକ ଜବତ ହୋଇଛି। ଏଥିସହ ଚାଲାଣ କରୁଥିବା ୨ ଅଭିଯୁକ୍ତକୁ ଅଟକ ରଖି ତଦନ୍ତ ଜାରି ରଖିଥିବା ପୋଲିସ ପକ୍ଷରୁ ସୂଚନା ମିଳିଛି।
ସୂଚନାନୁସାରେ, ଗୁରବାର ନବରଙ୍ଗପୁର ଜିଲା ମୈଦଲପୁର ଠାରେ ଥିବା ଠିପି ବନ୍ଦ ବିଦେଶୀ ମଦ ଦୋକାନରୁ କଳାହାଣ୍ଡି ସୀମା ଦେଇ ବିଦେଶୀ ମଦ ଚାଲାଣ ହେଉଥିଲା। ସେହି ସମୟରେ ଆମପାଣି ପୋଲିସ କୌଣସି ସୂତ୍ରରୁ ଖବରପାଇ ଚଢ଼ାଉ କରିଥିଲା। ଏଥିରେ ୩୯ ଲିଟର ବିଦେଶୀ ମଦ ସହ ଏକ ବାଇକ ଜବତ ହୋଇଛି। ତେବେ ପୋଲିସ ମାମଲା ରୁଜୁ କରି ଚାଲାଣ କରୁଥିବା ୨ ମଦ ଦୋକାନ କର୍ମଚାରୀଙ୍କୁ ଅଟକ ରଖି ପଚରାଉଚରା ଜାରି ରଖିଛନ୍ତି।
