ବୌଦ୍ଧ,୨୭।୮(ଡି.ଏନ୍.ଏ.): ମାର୍ବଲ ତଳେ ଚାପି ହୋଇ ଚାଲିଗଲା ୨ ଶ୍ରମିକଙ୍କ ଜୀବନ । ଏକ ଟ୍ରକରୁ ମାର୍ବଲ ଅନଲୋଡ କରିବା ସମୟରେୟ ଏପରି ଅଘଟଣ ଘଟିଛି ବୌଦ୍ଧ ଜିଲା ବୁଟୁପାଲି ରାସ୍ତାରେ ଥିବା ଏକ ଗୋଦାମରେ। ମୃତକଦ୍ୱୟ ହେଲେ ଆଠମଲ୍ଲିକ ମହେନ୍ଦ୍ରପୁରର ବିଶାମିତ୍ର ଦେହୁରୀ ଓ ବାପୁଜିନଗରର ପଞ୍ଚାନନ ନାଏକ।
ସୂଚନାନୁସାରେ, ଶୁକ୍ରବାର ବୌଦ୍ଧ ରାଜନପାଲି ଛକରେ ଏକ ଟ୍ରକରୁ ମାର୍ବଲ ଅଲୋଡ କରାଯାଉଥିଲା । ଏହି ସମୟରେ ହଠାତ ମାର୍ବଲ ଖସିଯିବାରୁ ତାହା ତଳେ ୨ ଶ୍ରମିକ ଚାପି ହୋଇ ଯାଇଥିଲେ। ଦୀର୍ଘ ସମୟ ଚାପି ହୋଇ ସେଠାରେ ଉଭୟଙ୍କ ମୃତ୍ୟୁ ହୋଇଥିଲା। ଖବର ପାଇ ଘଟଣାସ୍ଥଳରେ ପୋଲିସ ଓ ଅଗ୍ନିଶମ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ମାତ୍ର ମୃତଦେହ ଉଦ୍ଧାର ସମ୍ଭବ ନ ଥିବାରୁ କ୍ରେନ ସାହାଯ୍ୟରେ ପ୍ରଥମେ ମାର୍ବଲ ହଟାଯାଇଥିଲା। ପରେ ମୃତକଦ୍ୱୟଙ୍କୁ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ପଠାଯାଇଛି।