ଦୁବାଇ,୨୯।୯: ଏକଦା ୧୧ ଓଭରରେ ୧୦୦ ରନ୍ କରିଥିବା ରାଜସ୍ଥାନ ରୟାଲ୍ସକୁ ୧୪୯ ରନ୍ରେ ରୋକି ଦେଇଛି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆର୍ସିବି)। ଏହା ସମ୍ଭବ ହୋଇପାରିଛି କେବଳ ଅଧିନାୟକ ବିରାଟ କୋହଲିଙ୍କ ଚତୁରତାର କ୍ୟାପଟେନଶିପ୍ କାରଣରୁ। ଇନିଂସର ଦ୍ୱିତୀୟାର୍ଦ୍ଧରେ ପରିସ୍ଥିତିର ଆବଶ୍ୟକତା ଅନୁଯାୟୀ ବୋଲିଂ ପରିବର୍ତ୍ତନ ଓ ଫିଲ୍ଡ ସେଟିଂ କରି ରାଜସ୍ଥାନ ବ୍ୟାଟ୍ସମ୍ୟାନମାନଙ୍କୁ ସ୍କୋର କରିବାକୁ ସୁଯୋଗ ଦେଇ ନ ଥିଲେ। ଫଳରେ ରାଜସ୍ଥାନ ୨୦ ଓଭରରେ ୯ ଉଇକେଟ ହରାଇ ୧୪୯ ରନ୍ କରିପାରିଛି। ଦଳ ପାଇଁ ଇଭିନ ଲୁଇସ ୫୮ (୫ ଚୌକା ଓ ୩ ଛକା), ଜଶସ୍ବୀ ଜୈଶ୍ୱାଲ ୩୧ (୩ ଚୌକା ଓ ୨ ଛକା) ଓ ଅଧିନାୟକ ସଞ୍ଜୁ ସାମସନ ୧୯ (୨ ଛକା) ରନ୍ କରିଥିଲେ।
ଆରସିବି ପକ୍ଷରୁ ହର୍ଶଲ ପଟେଲ ୩ ଉଇକେଟ ନେଇଥିବା ବେଳେ ୟୁଜବେନ୍ଦ୍ର ଚହଲ ଓ ଶାହାବାଜ ଅହମ୍ମଦ ୨ ଲେଖାଏ ଉଇକେଟ ହାତେଇଥିଲେ।
