ମୁମ୍ବାଇ: ବହୁ ପ୍ରତୀକ୍ଷିତ ଫିଲ୍ମ ଆର୍ଆର୍ଆର୍ର ରିଲିଜ୍ ଅପେକ୍ଷାରେ ଦର୍ଶକ। ତେବେ ନିର୍ମାତା ଏସ୍.ଏସ୍ ରାଜାମୌଲି ଫିଲ୍ମର ଦୁଇଟି ରିଲିଜ୍ ତାରିଖ ଘୋଷଣା କରିବାକୁ ନିଷ୍ପତ୍ତି ନେଇଥିଲେ। ରାଜାମୌଲି କୌଣସି ଫିଲ୍ମ ନିର୍ଦ୍ଦେଶକଙ୍କ ପରାମର୍ଶ ନ କରି ରିଲିଜ୍ ତାରିଖ ଘୋଷଣା କରିବା ଦ୍ୱାରା ସେମାନେ ବର୍ତ୍ତମାନ ଅସନ୍ତୋଷ ପ୍ରକାଶ କରିଛନ୍ତି।
ଗତ ସପ୍ତାହରେ ନିର୍ଦ୍ଦେଶକ ଏସ୍.ଏସ୍ ରାଜାମୌଲି ଫିଲ୍ମର ଦୁଇଟି ରିଲିଜ ତାରିଖ ଘୋଷଣା କରିଥିଲେ। ଯଦି ଦେଶରେ ମହାମାରୀ ପରିସ୍ଥିତି ଭଲ ହୁଏ ଏବଂ ସମସ୍ତ ପ୍ରେକ୍ଷାଳୟ ପୂର୍ଣ୍ଣ କ୍ଷମତାରେ ଚାଲିବା ପାଇଁ ଅନୁମତି ଦିଆଯାଏ ତେବେ ଫିଲ୍ମଟି ୧୮ ମାର୍ଚ୍ଚ ନ ହେଲେ ୨୮ ଏପ୍ରିଲରେ ରିଲିଜ୍ ହେବ ବୋଲି ଏକ ବିବୃତ୍ତିରେ କୁହାଯାଇଥିଲା।
ତେବେ ଆଗକୁ ରିଲିିଜ୍ ହେବାକୁ ଥିବା ଫିଲ୍ମ ବଚ୍ଚନ ପାଣ୍ଡେ, ରନୱେ ୩୪, ଶ୍ୟାମଶେରା, ହିରୋପନ୍ତି,ରାଧେଶ୍ୟାମର ନିର୍ମାତା ଦୁର୍ବଳ ହୋଇପଡିଛନ୍ତି। ଜାନୁୟାରୀ ୭ ଡିସେମ୍ବର୨୦୨୧ରେ ଯେତେବେଳେ ଆର୍ଆର୍ଆର୍ ରିଲିଜ୍ ହେବାକୁ ଘୋଷଣା କରାଯାଇଥିଲା ସେତେବେଳେ ରିଲିଜ୍ ହେବାକୁ ଥିବା ଫିଲ୍ମ ଗାଙ୍ଗୁବାଇ କାଥିଆୱାଡି,ରାଧେଶ୍ୟାମ, ଭୀମଲା ନାୟକ, ଆଚାର୍ଯ୍ୟ ଆଦି ଫିଲ୍ମ ତାରିଖ ବଦଳାଇବାକୁ ପଡିଥିଲା। ତେବେ ଦେଶରେ କୋଭିଡ୍ ବଢୁଥିବା ଯୋଗୁ ଜାନୁୟାରୀରେ ଫିଲ୍ମଟି ରିଲିଜ୍ ହୋଇ ପାରି ନ ଥିଲା।