କରୋନା କବଳରେ ସମଗ୍ର ବିଶ୍ୱ । ଏଥିପାଇଁ ଜନଜୀବନ ବହୁ ମାତ୍ରାରେ ପ୍ରଭାବିତ ହୋଇଛି। ଲକ୍ଡାଉନ୍ ଯୋଗୁ ଅଧିକାଂଶ ଲୋକଙ୍କ ଜୀବିକା ମଧ୍ୟ ଚାଲିଯାଇଛି। କାମ ଧନ୍ଦା ନ ମିଳିବାରୁ ଲୋକେ ଘରେ ବସି ବୋର୍ ହେଉଛନ୍ତି। ଲୋକଙ୍କ ପାଖରେ କୌଣସି କାମ ନାହିଁ। ଏହିପରି ଜଣେ ବ୍ୟକ୍ତି ଘରେ ବସି ବୋର୍ ହେବାରୁ ନିଜ ଘର ସମ୍ମୁଖରେ ଏକ ଗାତ ଖୋଳିବା ଆରମ୍ଭ କରିଥିଲେ। ଏହା ପରେ ସେ ରାତାରାତି କୋଟିପତି ପାଲଟିଯାଇଛନ୍ତି।
ଇଂଲଣ୍ଡର ପଶ୍ଚିମ ୟର୍କଶାୟାରରେ ରୁହନ୍ତି ଜନ୍ ବ୍ରଡ୍ଶା। ଲକ୍ଡାଉନ୍ ଯୋଗୁ ଘରେ ବସି ବୋର୍ ହେବାରୁ ୬ମାସ ପୂର୍ବେ କିଣିଥିବା ଘରର ସମ୍ମୁଖ ଭାଗ ବଗିଚାକୁ ଜନ୍ ଖୋଳିବା ଆରମ୍ଭ କଲେ। ମାତ୍ର କିଛି ଦିନ ଖୋଳିବା ପରେ ସେ ୧୯୫୦ର ଏକ ଫୋର୍ଡ କାର ପୋତି ହୋଇଥିବା ଦେଖିବାକୁ ପାଇଲେ। ଏହି ଗାଡିର ପଞ୍ଜିକରଣ ନମ୍ବର ଏବଂ ଗାଡ଼ି ନମ୍ବର ସୁରକ୍ଷିତ ଥିବାରୁ ଏହା ଏକ ସାମରିକ ଯାନ ବୋଲି ଜଣାପଡ଼ିଲା। ଏହା ପରେ ସେ ରାତାରାତି କୋଟିପତି ହୋଇଛନ୍ତି। ଏ ନେଇ ଜନ୍ ସୋସିଆଲ ମିଡିଆ ମାଧ୍ୟମରେ ଜଣାଇଛନ୍ତି।
