୬୪ ବର୍ଷୀୟ ଓ୍ବିନ୍ଷ୍ଟନ ବ୍ଲାକମୋର କାନାଡାର ସବୁଠୁ ପରିଚିତ ବ୍ୟକ୍ତି ଯେ କି ଏକାଧିକ ବିବାହ କରିଛନ୍ତି। କଲମ୍ବିଆରେ ରହୁଥିବା ଓ୍ବିନ୍ଷ୍ଟନଙ୍କ ରହିଛନ୍ତି ୧୫୦ ସନ୍ତାନ। ସେ ୨୭ ଜଣ ମହିଳାଙ୍କୁ ବିବାହ କରିଥିବା ବେଳେ ବର୍ତ୍ତମାନ ୨୨ ଜଣ ଅଛନ୍ତି। ଓ୍ବିନ୍ଷ୍ଟନଙ୍କ ୧୯ ବର୍ଷୀୟ ପୁଅ ମର୍ଲିନ ବ୍ଲାକମୋର ଏହି ବିରାଟ ପରିବାରକୁ ନେଇ ସୋସିିଆଲ ମିଡିଆରେ ସୂଚନା ଦେଇଛନ୍ତି।
ମର୍ଲିନ କୁହନ୍ତି, ୨୧ ବର୍ଷୀୟ ତାଙ୍କ ସାବତ ଭାଇ ବରେନ ଏବଂ ୧୯ ବର୍ଷୀୟ ମରି ତାଙ୍କ କଥା ରଖନ୍ତି। ଏହି ତିନି ଭାଇ ବର୍ତ୍ତମାନ କଲମ୍ବିଆର ସୁନ୍ଦର ସହର ଛାଡ଼ିଛନ୍ତି। ତାଙ୍କ ପିଢ଼ି ମଧ୍ୟ ଗୋଟିଏ ପରିବାରରେ ରହିବେ ବୋଲି କହିଛନ୍ତି। ମର୍ଲିନ ଆମେରିକାରେ ରୁହନ୍ତି। ସୋସିଆଲ ମିଡିଆରେ ଏକ ଭିଡିଓ ଶେୟାର କରି ସେ କହିଛନ୍ତି, ତାଙ୍କ ନିଜର ୭ ଭାଇଭଉଣୀ। ସେ କହିଛନ୍ତି ମୁଁ ପରିବାରଠାରୁ ଦୂରରେ ରହୁଥିଲେ ମଧ୍ୟ ସବୁବେଳେ ଫୋନ୍ରେ ସେମାନଙ୍କ ସହ କ୍ଥା ହୁଏ। ଏଥିସହିତ ମର୍ଲିନ ତାଙ୍କର ପରିବାରର ସୁନ୍ଦର ସୁନ୍ଦର ଫଟୋ ସୋସିଆଲ ମିଡିଆରେ ଶେୟାର କରିଛନ୍ତି। କହିଛନ୍ତି, କୌଣସି ମହୋତ୍ସବ ହେଲେ ସବୁ ଭାଇଭଉଣୀ ଏକାଠି ହୁଅନ୍ତି। ସମସ୍ତ ଭାଇଭଉଣୀ ମିଶି ୧୫୦ ଜଣ। ତାଙ୍କର ଏହି ପରିବାରକୁ ନେଇ ସବୁଠୁ ଚର୍ଚ୍ଚା। ସେମାନେ ମଧ୍ୟ ଆଗକୁ ଏକାଠି ହୋଇରହିବେ ବୋଲି କହିଛନ୍ତି।
