ସ୍କଟ୍ଲାଣ୍ଡର ଜଣେ ୭୪ ବର୍ଷୀୟ ବ୍ୟକ୍ତି ଆଧୁନିକ ଦୁନିଆଠାରୁ ଅଲଗା ରହି ଜଙ୍ଗଲରେ ଜୀବନ ବିତାଉଛନ୍ତି। ତାଙ୍କର ନାଁ ହେଲା କେନ୍ ସ୍ମିଥ୍। ସେ ଜଙ୍ଗଲରେ ରହି ଆଉ ସହରୀ ସଭ୍ୟତାକୁ ଫେରିବାକୁ ଚାହୁଁନାହାନ୍ତି। ପାହାଡ଼ିଆ ଅଞ୍ଚଳରେ ନାଁ ଅଛି ବିଜୁଳି ନାଁ ଅଛି ଅନ୍ୟ କେଉଁ ସୁବିଧା। ତଥାପି ସ୍ମିଥ୍ ବେଶ୍ ଆରାମରେ ଜଙ୍ଗଲରେ ରହୁଛନ୍ତି। ତାଙ୍କୁ ଡାକିଲେ ବି ସେ ଘରକୁ ଫେରୁନାହାନ୍ତି।
ଜଙ୍ଗଲରେ ସେ ଏକ ଝୁମ୍ପୁଡ଼ି କରି ରହିଛନ୍ତି। ସେ ଫଳମୂଳ ଖାଇଥାନ୍ତି। ମାଛ ଧରିବା ସହ ପନପରିବା ସିଝାଇ ଥାନ୍ତି। ଜୀବନଧାରଣ ପାଇଁ ସେ କେବଳ ପ୍ରାକୃତିକ ଜିନିଷ ଉପରେ ନିର୍ଭର କରିଥାନ୍ତି।
ସ୍ମିଥ୍ଙ୍କୁ ଯେତେବେଳେ ୨୬ ବର୍ଷ ହୋଇଥିଲା ତାଙ୍କ ସହ ଏକ ଘଟଣା ଘଟିଥିଲା। ତାଙ୍କୁ ବାଟରେ ଏକ ଲୁଟେରା ଗ୍ୟାଙ୍ଗ୍ ଅଟକାଇ ମାଡ଼ ମାରିବା ସହ ସମସ୍ତ ଜିନିଷ ଲୁଟି ନେଇଥିଲେ। ତାଙ୍କ ମୁଣ୍ଡରେ ଆଘାତ ଲାଗିବାରୁ ସେ ୨୩ ଦିନ ବେହୋସ ହୋଇପଡ଼ିଥିଲେ। ସ୍ମିଥ୍ କୁହନ୍ତି, ସେ କେବେ ଭାବି ନ ଥିଲେ ଜୀବନ ଫେରିପାଇବେ। ତାଙ୍କର ହୋସ୍ ଆସିବା ପରେ ନିଜକୁ ଏକ ଜଙ୍ଗଲରେ ଦେଖିଲେ। ସେହିଦିନ ଠାରୁ ସେ ଶପଥ କରିଥିଲେ, ଆଉ ସେ ଗାଁକୁ ଫେରିବେ ନାହିଁ। ଲୋକମାନେ ବହୁତ ଭୟଙ୍କର। ଜଙ୍ଗଲରେ ଜୀବନ ବିତାଇବେ ପଛେ ଏ ସହରୀ ସଭ୍ୟତାକୁ ଆଉ ଫେରିବେ ନାହିଁ। ଫଳରେ ସେ ଆଜିଯାଏ ସେହି ଜଙ୍ଗଲକୁ ଆପଣାର କରିଛନ୍ତି।