ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି। ଏଥିରେ ଏକ ଗ୍ଲାସ ଏନକ୍ଲୋଜର ଭିତରେ ବସିଥିବା ମାଙ୍କଡ଼ ସମ୍ମୁଖରେ ଜଣେ ଏକ ପତ୍ର ଧରିଥିବାର ଦେଖିବାକୁ ମିଳୁଛି। ମାଙ୍କଡ଼ଟି ପ୍ରଥମେ ପତ୍ରକୁ ନ ଦେଖି ଭୂମିରେ ପଡ଼ିଥିବା କିଛି ଖାଦ୍ୟ ଉପରେ ନଜର ଦେଇଥିଲେ। କିନ୍ତୁ, ଯେତେବେଳେ ବ୍ୟକ୍ତି ଜଣଙ୍କ ପତ୍ରଟି ଉପରେ ହାତ ବୁଲାଇ ଏହାକୁ ଅଦୃଶ୍ୟ କଲେ ସେତେବେଳେ ମାଙ୍କଡ଼ର ଧ୍ୟାନ ଭାଙ୍ଗିଲା। ଯେତେବେଳେ ବ୍ୟକ୍ତିଜଣଙ୍କ ପତ୍ରକୁ ତା ଆଖି ଆଗରେ ଅଦୃଶ୍ୟ କରିଦେଲେ, ଏହା ଦେଖି ମାଙ୍କଡ଼ ଆଶ୍ଚର୍ଯ୍ୟ ହୋଇଗଲା। ଆଶ୍ଚର୍ଯ୍ୟ ହୋଇ ମାଙ୍କଡ଼ଟି ଦେଖିବାରେ ଲାଗିଲା। ବ୍ୟକ୍ତିଜଣଙ୍କ ପତ୍ରକୁ ପୁନର୍ବାର ଦେଖାଇବାରୁ ମାଙ୍କଡ଼ଟି ତା ପାଟିରେ ହାତ ଦେଇ ଦେଉଛି। ଯେପରି ସେ ଏହା ଦେଖି ଆଶ୍ଚର୍ଯ୍ୟ ହୋଇଯାଉଛି। ମାଙ୍କଡ଼ର ଏହି ମଜାଳିଆ ପ୍ରତିକ୍ରିୟା ଏପର୍ଯ୍ୟନ୍ତ ଲକ୍ଷ ଲକ୍ଷ ଲୋକ ଦେଖି ସାରିଛନ୍ତି। ଏହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।