ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି। କୁହାଯାଏ ଯେ ପାଞ୍ଚେ ପରର ମନ୍ଦ ତା ମନ୍ଦ ପାଚନ୍ତି ଗୋବିନ୍ଦ। ଅର୍ଥାତ ଯିଏ ଅନ୍ୟକୁ କଷ୍ଟ ଦିଏ , ଯିଏ ଅନ୍ୟ ପାଇଁ ଖରାପ ଚିନ୍ତା କରନ୍ତି ତାଙ୍କ କର୍ମ ଅନୁସାରେ ଭଗବାନ ତାଙ୍କୁ ସେହି ଭଳି ଫଳ ଦିଅନ୍ତି। ମାତ୍ର ଏହି ଭିଡିଓରେ ଜଣେ ବ୍ୟକ୍ତିଙ୍କୁ ମାତ୍ର କେଇଟା ମୁହୂର୍ତ୍ତରେ ତାଙ୍କ କର୍ମର ଫଳ ମିଳିଛି। ବ୍ୟକ୍ତି ଜଣକ ଏକ ବୁଲା କୁକୁର ବେକକୁ ଟେକି ତାକୁ କଷ୍ଟ ଦେଉଥିବା ବେଳେ ଏକ ଗାଈ ଆସି ତାଙ୍କୁ ମୁଣ୍ଡିଆ ମାରି ତଳେ ପକାଇ ଦେଉଛି। ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଭିଡିଓଟି ଅଧିକ ଭାଇରାଲ ହେବାରେ ଲାଗିଛି।
