ଓ୍ବାଶିଂଟନ,୧୬।୯: ରାଷ୍ଟ୍ରପତି ନିର୍ବାଚନ ମଧ୍ୟରେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଫ୍ଲୋରିଡା ଗଲ୍ଫ କ୍ଲବ ବାହାରେ ଦୁଇ ଜଣ ବ୍ୟକ୍ତି ପରସ୍ପର ଉପରକୁ ଗୁଳି ଚଳାଇଥିଲେ। ଆମେରିକାର ସିକ୍ରେଟ ସର୍ଭିସ ଏଜେନ୍ସି ଏହି ଘଟଣାର ତଦନ୍ତରେ ବ୍ୟସ୍ତ ଅଛନ୍ତି। ଏହି ଘଟଣାରେ ଟ୍ରମ୍ପ ସମ୍ପୂର୍ଣ୍ଣ ସୁରକ୍ଷିତ ଅଛନ୍ତି। ରବିବାର ରାତି ପ୍ରାୟ ୨ଟାରେ ଏହି ଘଟଣା ଘଟିଛି।
ଫ୍ଲୋରିଡାର ୱେଷ୍ଟ ପାମ ବିଚରେ ଡୋନାଲ୍ଡ ଟ୍ରମ୍ପଙ୍କର ଏକ ଗଲ୍ଫ କୋର୍ସ ଅଛି। କୁହାଯାଉଛି ଯେ ଗିରଫ ହୋଇଥିବା ସନ୍ଦିଗ୍ଧ ଟ୍ରମ୍ପଙ୍କ ଜଣେ କଠୋର ସମାଲୋଚକ। ରୁଷ-ୟୁକ୍ରେନ ଯୁଦ୍ଧରେ ସେ ୟୁକ୍ରେନକୁ ସମର୍ଥନ କରନ୍ତି। ଅଭିଯୁକ୍ତ ଜଣଙ୍କ ୫୮ ବର୍ଷିୟ ରିୟାନ ରାଉଥ ବୋଲି ଜଣାପଡିଛି।
ସିକ୍ରେଟ ସର୍ଭିସ ଏଜେଣ୍ଟମାନେ ପଶ୍ଚିମ ପାମ ବିଚରେ ଥିବା ଟ୍ରମ୍ପ ଇଣ୍ଟରନ୍ୟାସନାଲ ଗଲ୍ଫ କ୍ଲବ ନିକଟରେ ରିଆନ ୱେସଲି ରାଉଥଙ୍କୁ ଦେଖିଥିଲେ। ସେତେବେଳେ ତାଙ୍କ ନିକଟରେ ଅତ୍ୟଧିକ ଅସ୍ତ୍ରଶସ୍ତ୍ର ଥିଲେ। ଅଭିଯୁକ୍ତତାଙ୍କ ରାଇଫଲକୁ ରିପବ୍ଲିକାନ ପ୍ରାର୍ଥୀ ଡୋନାଲ୍ଡ ଟ୍ରମ୍ପଙ୍କ ଆଡକୁ ଦେଖାଇଥିଲେ। ସେ ଦେଖିବା ମାତ୍ରେ ସିକ୍ରେଟ ସର୍ଭିସ ଏଜେଣ୍ଟ ତାଙ୍କ ଉପରକୁ ଗୁଳି ଚଳାଇଥିଲେ। କିନ୍ତୁ ସେ ଖସିଯିବାରେ ସଫଳ ହୋଇଥିଲେ। ଏହା ପରେ ସ୍ଥାନୀୟ ପୋଲିସ ତାଙ୍କୁ ଗିରଫ କରିଥିଲା। ବନ୍ଧୁକଧାରୀଙ୍କଠାରୁ ଟ୍ରମ୍ପ ୪୦୦ ରୁ ୫୦୦ଗଜ ଦୂରରେ ଥିଲେ।
ବାମପନ୍ଥୀ ଚିନ୍ତାଧାରା ଦ୍ୱାରା ରାଉଥ ଅନୁପ୍ରାଣିତ ହୋଇଥିଲେ। ସେ ସୋସିଆଲ ମିଡିଆରେ ଟ୍ରମ୍ପଙ୍କ ବିରୋଧରେ ଅନେକ ସମୟରେ ବିବୃତ୍ତି ମଧ୍ୟ ଦିଅନ୍ତି। ରାଉଥ ମୂଳତଃ ହାୱାଇରୁ ଆସିଛନ୍ତି। ସେ କ୍ୟାମ୍ପ ବକ୍ସ ହନୋଲୁଲୁ ନାମକ ଏକ ଶେଡ ବିଲଡିଂ କମ୍ପାନୀ ଚଳାନ୍ତି।
ଟ୍ରମ୍ପ ଇଣ୍ଟରନ୍ୟାସନାଲ ଗଲ୍ଫ କ୍ଲବ ବାହାରେ ଗୁଳି ଚଳାଇଥିବା ଅଭିଯୋଗ ହୋଇଥିବା ରାଉଥ ଜଣେ ଡେମୋକ୍ରାଟ ସମର୍ଥକ। ଆମେରିକାର ଫେଡେରାଲ ନିର୍ବାଚନ ଆୟୋଗର ରେକର୍ଡ ଅନୁଯାୟୀ, ସେ ୨୦୧୯ ପରଠାରୁ ୧୪୦ ଡଲାରୁ ଅଧିକ ୧୯ ଥର ଦାନ କରିଛନ୍ତି। ଅଭିଯୁକ୍ତ ହାୱାଇର ପୂର୍ବତନ ପ୍ରତିନିଧୀ ତୁଲସୀ ଗାବାର୍ଡଙ୍କୁ ମଧ୍ୟ ଦାନ କରିଛନ୍ତି।
ମିଡିଆ ରିପୋର୍ଟ ଅନୁଯାୟୀ, ରାଉଥ ଉତ୍ତର କାରୋଲିନା କୃଷି ଏବଂ ବୈଷୟିକ ରାଜ୍ୟ ବିଶ୍ୱବିଦ୍ୟାଳୟରେ ଅଧ୍ୟୟନ କରିଥିଲେ। ଏହି ନିର୍ବାଚନରେ ସେ ବିବେକ ରାମାସ୍ବାମୀ ଏବଂ ଭାରତୀୟ ମୂଳ ନିକ୍କି ହେଲିଙ୍କୁ ମଧ୍ୟ ସମର୍ଥନ କରୁଥିଲେ। ତେବେ ପରେ ଉଭୟେ ନିର୍ବାଚନରୁ ନିଜକୁ ଦୂରେଇ ରଖିଥିଲେ।
ଅଭିଯୁକ୍ତ ରାଉଥ ମଧ୍ୟ ସ୍ବେଚ୍ଛାସେବୀ ଭାବରେ ୟୁକ୍ରେନ ପକ୍ଷରୁ ରୁଷିଆ ବିରୋଧରେ ଯୁଦ୍ଧରେ ଭାଗ ନେବାକୁ ଇଚ୍ଛା ପ୍ରକାଶ କରିଥିଲେ। ସେ କହିଛନ୍ତି ଯେ ବିଶ୍ୱର ବିଭିନ୍ନ ସ୍ଥାନରୁ ଲୋକମାନେ ଯୁଦ୍ଧ କରିବାକୁ ୟୁକ୍ରେନ ଯିବା ଉଚିତ୍। ସେ ୟୁକ୍ରେନ ଯୁଦ୍ଧରେ ମରିବାକୁ ମଧ୍ୟ ପ୍ରସ୍ତୁତ ଥିଲେ।