ନୂଆଦିଲ୍ଲୀ,୧୨।୪: ଦେଶର ୧୦ ସବୁଠାରୁ ଭାଲ୍ୟୁ କମ୍ପାନୀଙ୍କ ମଧ୍ୟରୁ ୪ଟିର ବଜାର ପୁଞ୍ଜୀକରଣ ୧.୧୪ ଲକ୍ଷ କୋଟି ଟଙ୍କା ବଢିଛି। ଏହି ସମୟରେ ପ୍ରମୁଖ ଆଇଟି କମ୍ପାନୀ ଟାଟା କନସଲ୍ଟାନ୍ସି ସର୍ଭିସେସ୍ ଏବଂ ଇନ୍ଫୋସିସ୍ ଆଗରେ ରହିଛି। ଅନ୍ୟ ୨ କମ୍ପାନୀ ମଧ୍ୟରେ ହିନ୍ଦୁସ୍ତାନ ୟୁନିଲିଭର ଏବଂ ଭାରତୀ ଏୟାରଟେଲ ରହିଛନ୍ତି। ରିଲାଏନ୍ସ ଇଣ୍ଡଷ୍ଟ୍ରିଜ,ଏଚ୍ଡିଏଫ୍ସି ବ୍ୟାଙ୍କ, ଆଇସିଆଇସିଆଇ ବ୍ୟାଙ୍କ, କୋଟାକ ମହିନ୍ଦ୍ରା ବ୍ୟାଙ୍କ, ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ଭଳି କମ୍ପାନୀଗୁଡିକ ବଜାର ପୁଞ୍ଜୀକରଣ ହ୍ରାସ ହୋଇଛି। ଟିସିଏସ୍ର ଭାଲ୍ୟୁଏଶନରେ ୫୭,୮୧୬ କୋଟି ଟଙ୍କା ବୃଦ୍ଧି ଘଟି ୧୨.୨୮ ଲକ୍ଷ କୋଟି ଟଙ୍କା ଛୁଇଁଛି। ସେହିଭଳି ହିନ୍ଦୁସ୍ତାନ ୟୁନିଲିଭର ଭାଲ୍ୟୁଏଶନରେ ୧୭,୯୭୪ କୋଟି ଟଙ୍କା ବୃଦ୍ଧି ହୋଇ ୫.୮୧ ଲକ୍ଷ କୋଟି ଟଙ୍କା ରହିଛି। ଏହି ସମୟରେ ଭାରତୀ ଏୟାରଟେଲ୍ର ଭାଲ୍ୟୁଏଶନ ୧୫,୩୨୮ କୋଟି ଟଙ୍କା ବଢିବା ଯୋଗୁ ୨.୯୯ ଲକ୍ଷ କୋଟି ଟଙ୍କା ଛୁଇଁଛି। ଦେଶର ପୁଞ୍ଜିବଜାରରେ ୧୦ ଭାଲ୍ୟୁ କମ୍ପାନୀଙ୍କ ମଧ୍ୟରେ ରିଲାଏନ୍ସ ସବୁଠାରୁ ଆଗରେ ରହିଛି।