ଭବାନୀପାଟଣା,୨୬।୪ କଳାହାଣ୍ଡି ବଣିକ ସଂଘ ପକ୍ଷରୁ ଆସନ୍ତା ୨୮ ରୁ ମେ’ ୨ ତାରିଖ ପର୍ଯ୍ୟନ୍ତ ଭବାନୀପାଟଣା ସହରାଞ୍ଚଳର ସମସ୍ତ ଦୋକାନ ବଜାର ସମ୍ପୂର୍ଣ୍ଣ ବନ୍ଦ କରିବାକୁ ଘୋଷଣା କରାଯାଇଛି। ଏ ନେଇ ଜିଲା ପ୍ରଶାସନକୁ ମଧ୍ୟ ଅବଗତ କରାଯାଇଥିବା ସଂଘ ସଭାପତି ବିଜୟ ସାହୁ ସୂଚନା ଦେଇଛନ୍ତି। ତେବେ ଅତ୍ୟାବଶକ ସାମଗ୍ରୀ ପନିପରିବା, ଫଳ, ଦୁଗ୍ଧ ଦୋକାନଗୁଡିକ ଦୈନିକ ପୂର୍ବାହ୍ନ ୧୦ଟା ପୂର୍ବରୁ ବନ୍ଦ କରିବାକୁ ସଂଘ ପକ୍ଷରୁ କୁହାଯାଇଛି। କରୋନାର ଦ୍ୱିତୀୟ ଲହର ସଂକ୍ରମଣ ଜିଲାରେ ଚିନ୍ତାଜନକ ଓ ପ୍ରାଣଘାତି ହେଉଛି। ସଂକ୍ରମଣ ଶୃଙ୍ଖଳକୁ ଭାଙ୍ଗିବାକୁ ପଡିବ। ଏନେଇ ସଂଘ ପକ୍ଷରୁ ବଜାର ବନ୍ଦ ନିଷ୍ପତ୍ତି ନିଆଯାଇଛି। ଏହି ୫ ଦିନିଆ ବନ୍ଦରେ ଜୁନାଗଡ଼, ଧର୍ମଗଡ଼, ଜୟପାଟଣା, କେସିଙ୍ଗା, ନର୍ଲା ଓ ମଦନପୁର ରାମପୁର ସମେତ ଅନ୍ୟ ବଣିକ ସଂଘକୁ ଅଞ୍ଚଳରେ ଦୋକାନବଜାର ସମ୍ପୂର୍ଣ୍ଣ ବନ୍ଦ ରଖିବାକୁ ଅନୁରୋଧ କରାଯାଇଥିବା ସଂଘରୁ ଜଣାଯାଇଛି।