ଗାଜରରେ ଥିବା ଫାଇବର୍ ଶରୀରରେ ବ୍ଲଡ୍ ସୁଗାର୍ ଲେଭଲ୍କୁ ନିୟନ୍ତ୍ରଣରେ ରଖିବାରେ ବେଶ୍ ସହାୟକ ହୋଇଥାଏ। ତା’ସହିତ ଏଥିରେ ଭିଟାମିନ୍ ଏ ଓ ବିଟା-କାରୋଟିନ୍ ପ୍ରଚୁର ପରିମାଣରେ ଥିବାରୁ ଏହା ଡାଇବେଟିସ୍ ରୋଗରୁ ବି ମୁକ୍ତି ଦେଇଥାଏ। ସେହିପରି ଗାଜରରେ କ୍ୟାଲ୍ସିୟମ୍ ଓ ଭିଟାମିନ୍-କେ ଥିବା ଯୋଗୁ ଏହା ଅସ୍ଥିକୁ ମଜଭୁତ ରଖିବାରେ ମଧ୍ୟ ସାହାଯ୍ୟ କରିଥାଏ। କେବଳ ଏତିକି ନୁହେଁ, ନିୟମିତ ଅନ୍ତରାଳରେ ଗାଜର ଖାଇଲେ ତ୍ୱଚାରେ ଚମକ୍ ଆସିବା ସହ ଖାଦ୍ୟ ମଧ୍ୟ ଶୀଘ୍ର ହଜମ ହୋଇଥାଏ। ସେଥିପାଇଁ ଅନେକେ ଏବେ ସେମାନଙ୍କର ଡେଲି ଡାଏଟ୍ରେ ଗାଜରକୁ ସାମିଲ କରୁଥିବାର ଦେଖିବାକୁ ମିଳୁଛି। ତେବେ ଗାଜରକୁ ରାନ୍ଧିକି ଖାଇବା ପରିବର୍ତ୍ତେ ଯଦି ଏହାକୁ କଞ୍ଚାରେ ଖିଆଯାଏ, ତା’ହେଲେ ଏହା ଶରୀର ପାଇଁ ଅଧିକ ଲାଭଦାୟକ ହୋଇଥାଏ। ବିଶେଷକରି ଗାଜର୍କୁ ସାଲାଡ୍ କରି ଖାଇଲେ ଏହା ପାଟିକୁ ସୁଆଦିଆ ଲାଗିବା ସହ ଏହାର ସିଧାସଳଖ ଫାଇଦା ଶରୀରକୁ ମିଳିଥାଏ।