ନିର୍ଦ୍ଦେଶକ ବିବେକ ଅଗ୍ନିହୋତ୍ରୀଙ୍କ ଫିଲ୍ମ‘ଦ କଶ୍ମୀର ଫାଇଲ୍ସ’କୁ ନେଇ ଦେଶରେ ଚର୍ଚ୍ଚା ଜୋର ଧରିଛି। ବକ୍ସ ଅଫିସରେ ସମସ୍ତ ରେକର୍ଡ ଭାଙ୍ଗିବାରେ ଲାଗିଛି । ୯୦ ଦଶକରେ କଶ୍ମୀର ପଣ୍ଡିତଙ୍କ ଉପରେ ହୋଇଥିବା ଅତ୍ୟାଚାରକୁ ପରଦାରେ ପ୍ରଦର୍ଶନ କରାଯାଇଛି। ଫିଲ୍ମକୁ ଦେଖିବା ପରେ ଅନେକ ପ୍ରଶଂସା କରୁଛନ୍ତି। ତେବେ ଫିଲ୍ମର ଲୋକପ୍ରିୟତାକୁ ଦେଖି ଗୁଜରାଟର ଜଣେ କପଡା ବ୍ୟବସାୟୀ ଏକ ସ୍ବତନ୍ତ୍ର ଶାଢ଼ି ପ୍ରସ୍ତୁତ କରିଛନ୍ତି। ସେଥିରେ ‘ଦ କଶ୍ମୀର ଫାଇଲ୍ସ’ ଫିଲ୍ମ ଟିମ୍ ଛବିଗଡିକୁ ଡିଜିଟାଲ ଭାବେ ପ୍ରିଣ୍ଟ କରିଛନ୍ତି । ଯାହାକୁ ଦେଖିବାକୁ ପ୍ରଶଂସକଙ୍କ ଭିଡ ଲାଗିଛି। ଏହାକୁ ଖୁବ୍ ଶୀଘ୍ର ବଜାରକୁ ଅଣାଯିବ ବୋଲି ଯୋଜନା କରୁଛନ୍ତି ବ୍ୟବସାୟୀ। ତେବେ ଏହି ଶାଢ଼ିର ମୂଲ୍ୟ କେତେ ହେବ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇନାହିଁ।