ନୂଆଦିଲ୍ଲୀ,୨୯।୩: ଆଇପିଏଲ ୨୦୨୩ ଆରମ୍ଭ ହେବାକୁ ଆଉ କିଛି ଦିନ ବାକି ଅଛି। ମାର୍ଚ୍ଚ ୩୧ରୁ ଏହି ଟୁର୍ନାମେଣ୍ଟ ଆରମ୍ଭ ହେବ। ଏହାପୂର୍ବରୁ ମୁମ୍ବାଇ ଇଣ୍ଡିଆନ ଅଧିନାୟକ ରୋହିତ ଶର୍ମା ଆଇପିଏଲ ଯାତ୍ରା ବିଷୟରେ ଅନେକ କଥା କରିଥିଲେ। ରୋହିତ ଚଳିତ ସିଜନରେ କ୍ରମାଗତ ଦଶମ ଥର ମୁମ୍ବାଇ ଇଣ୍ଡିଆନ୍ସର ଦାୟିତ୍ୱ ଗ୍ରହଣ କରିବେ। ତାଙ୍କୁ ୨୦୧୩ରେ ମୁମ୍ବାଇର ଅଧିନାୟକ କରାଯାଇଥିଲା, ସେବେଠାରୁ ଦଳ ମୋଟ ପାଞ୍ଚଟି ଟାଇଟଲ ଜିତିଛି। ରୋହିତ ଏହି ଅବସରରେ କହିଛନ୍ତି, ଏହା ଏକ ସ୍ବତନ୍ତ୍ର ଯାତ୍ରା। ଏହି ଯାତ୍ରା ଅନେକ ସ୍ମରଣୀୟ ମୁହୂର୍ତ୍ତ ସୃଷ୍ଟି କରିଛି। ମୁଁ ଏହାକୁ ଉପଭୋଗ କରିଛି।
ରୋହିତ ଶର୍ମା ଏପର୍ଯ୍ୟନ୍ତ ଆଇପିଏଲର ସବୁଠାରୁ ସଫଳ ଅଧିନାୟକ ହୋଇଛନ୍ତି। ତାଙ୍କ ଅଧିନାୟକତ୍ୱରେ ମୁମ୍ବାଇ ଇଣ୍ଡିଆନ୍ସ ମୋଟ ୫ଟି ଟାଇଟଲ ଜିତିଛି, ଯାହାକି ଅନ୍ୟ ଦଳ ଅପେକ୍ଷା ଅଧିକ। ଅଧିନାୟକ ଭାବରେ ରୋହିତ ଶର୍ମା ଏପର୍ଯ୍ୟନ୍ତ ଆଇପିଏଲରେ ମୋଟ ୧୪୩ ମ୍ୟାଚ ଖେଳିଛନ୍ତି, ଯେଉଁଥିରେ ଦଳ ୭୯ଟି ମ୍ୟାଚ ଜିତିଛି, ୬୦ଟି ହାରିଛି। ଏଥିରେ ମୋଟ ଚାରିଟି ମ୍ୟାଚ ବାତିଲ ହୋଇଛି।
ରୋହିତ ଶର୍ମା ତାଙ୍କ ଆଇପିଏଲ କ୍ୟାରିୟରରେ ଏପର୍ଯ୍ୟନ୍ତ ମୋଟ ୨୨୭ ମ୍ୟାଚ ଖେଳିଛନ୍ତି। ଏହି ମ୍ୟାଚଗୁଡିକର ୨୨୨ ଇନିଂସରେ ବ୍ୟାଟିଂ କରି ସେ ହାରାହାରି ୩୦.୩ରେ ୫୮୭୯ ରନ ଏବଂ ୧୨୯.୮୯ ରନ ସଂଗ୍ରହ କରିଥିଲେ। ଏଥିରେ ଗୋଟିଏ ଶତକ ଏବଂ ୪୦ ଅର୍ଦ୍ଧଶତକ ହାସଲ କରିଛନ୍ତି।