କୁହାଯାଏ ‘କୁକୁର ମାଙ୍କଡ଼ ଅହନ୍ତା’। ଏହି ଦୁଇଜଣଙ୍କ ପରସ୍ପର ପ୍ରତି ଅଧିକ ରାଗଥାଏ। ଉଭୟ ପରସ୍ପରକୁ ଦେଖିଲେ କାମୁଡ଼ି ଗୋଡ଼ାନ୍ତି। ମାତ୍ର ଏହି କଥାକୁ ଭୁଲ୍ ପ୍ରମାଣିତ କରିଦେଇଛି ଏକ ଭିଡିଓ। ସାଧାରଣତଃ ପଶୁପକ୍ଷୀଙ୍କୁ ନେଇ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହୋଇଥାଏ। ବର୍ତ୍ତମାନ କୁକୁର ଓ ମାଙ୍କଡର ଏହି ଭିଡିଓ ଭାଇରାଲ ହେଉଛି। ଭିଡିଓରେ କଙ୍କ୍ରିଟ୍ ପାଚେରି ଭିତରେ ସୃଷ୍ଟି ହୋଇଥିବା ଗାତରେ ମାଙ୍କଡ ଛୁଆଟି ପଶି ଯାଇଛି। ବାହାରିବାକୁ ବହୁତ ଚେଷ୍ଟା କରୁଥିଲେ ସୁଦ୍ଧା ସେ ପାରୁନି। ଶେଷରେ ଏକ କୁକୁର ପହଞ୍ଚି ମାଙ୍କଡକୁ ଗାତରୁ ବାହାରିବାକୁ ଉଦ୍ୟମ କରୁଛି। ପରେ ମାଙ୍କଡକୁ କାମୁଡିକି ବାହାର କରୁଛି। ମାଙ୍କଡ ଗଛକୁ ଯିବା ପରେ ପରସ୍ପର ଉଭୟକୁ ଚାହୁଁଛନ୍ତି। ଏହି ଭିଡିଓକୁ ଭାରତୀୟ ବନ ସେବା ଅଧିକାରୀ ସୁଶାନ୍ତ ନନ୍ଦା ତାଙ୍କ ଟୁଇଟରରେ ଶେୟାର କରିଛନ୍ତି। କ୍ୟାପଶନରେ ସେ ଲେଖିଛନ୍ତି, ‘ଫ୍ରେଣ୍ଡର୍ସ ଲଭ୍’। ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି।