ବହୁତ କମ୍ ବୟସରୁ ନିଜର ଲୁକ୍କୁ ନେଇ ଚର୍ଚ୍ଚାକୁ ଆସିଥିବା ଫ୍ରାନ୍ସର ମଡେଲ ଥାୟଲେନ୍ ବ୍ଲୋଣ୍ଡେୟୁ ପୁଣି ଥରେ ଚର୍ଚ୍ଚାକୁ ଆସିଛନ୍ତି। ଏବେ ସେ ତାଙ୍କ ବୟଫ୍ରେଣ୍ଡଙ୍କ ସହ ମଜାମସ୍ତି କରୁଥିବା ନଜର ଆସିଛନ୍ତି। ଥାୟଲେନ୍ ୪ ବର୍ଷ ବୟସରୁ ମଡେଲିଂରେ ନାଁ କମାଇଛନ୍ତି। ବର୍ତ୍ତମାନ ସେ ଦୁନିଆର ସବୁଠୁ ସୁନ୍ଦରୀ ଯୁବତୀ। ସୋସିଆଲ ମିଡିଆରେ ତାଙ୍କୁ ନେଇ ଏବେ ଖୁବ୍ ଚର୍ଚ୍ଚା।
୨୦୦୭ରେ ଥାୟଲେନ୍ଙ୍କୁ ଟିସି କ୍ୟାଲେଣ୍ଡରରେ ୧୦୦ ସୁନ୍ଦରୀଙ୍କ ମଧ୍ୟରୁ ଜଣେ ଥିଲେ। ଏହି ଲିଷ୍ଟରେ ବଲିଉଡ୍ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ ସହିତ ହଲିଉଡ୍ର ଆଉ କିଛି କଳାକାର ସାମିଲ ଥିଲେ। ଯେତେବେଳେ ଥାୟଲେନ୍ଙ୍କୁ ଏହି ତାଲିକାରେ ସାମିଲ କରାଗଲା ଏହାର ଠିକ୍ ଦୁଇବର୍ଷ ପୂର୍ବରୁସେ ମଡେଲିଂରେ ତାଙ୍କ କ୍ୟାରିୟର ଆରମ୍ଭ କରିଥିଲେ। ସେ ୪ ବର୍ଷ ବୟସରୁ ର଼୍ୟାମ୍ପ ଶୋ’ରେ ଭାଗ ନେଇଆସୁଛନ୍ତି। ତାଙ୍କ ମା’ ଜଣେ ଫ୍ୟାଶନ ଡିଜାଇନର। ୬ ବର୍ଷ ବୟସରେ ଥାୟଲେନ୍ଙ୍କ ଏକ ଫଟୋ ଭାଇରାଲ ହୋଇଥିଲା। ଏହା ପରେ ସେ ଦୁନିଆର ସବୁଠୁ ସୁନ୍ଦର ଝିଅ ଭାବେ ପରିଚିତ ହୋଇଥିଲେ।
ଏହା ପରେ ୧୦ ବର୍ଷ ବୟସରେ ସେ ବିବାଦଘେରକୁ ଆସିଥିଲେ। ଏକ ଫଟୋଶୁଟ୍ ସମୟରେ ସେ ଗୋଲ୍ଡ ଡ୍ରେସ୍, ହାଇହିଲ୍ସ ଏବଂ ମେକ୍ଅପ୍ରେ ନଜର ଆସିଥିଲେ। ତାଙ୍କର ଏହି ଫଟୋ ଦେଖି ଲୋକେ ସେକ୍ସୁଆଲାଇଜ୍ ପାଇଁ ଏପରି ଫଟୋ ଉଠାଇଥିବା ଅଭିଯୋଗ ଆଣିଥିଲେ। ଏହି ଅଭିଯୋଗରେ ଥାୟଲେନ୍ଙ୍କ ମା’ କହିଥିଲେ, କିଛି ଲୋକଙ୍କ ପାଇଁ ଏହା ଶକିଂ। ମୁଁ ଏପରି ଫଟୋଶୁଟ୍ କରିବାକୁ ଇଚ୍ଛା କରିଥିଲି। ଏହି ଫଟୋରେ ମୋ ଝିଅ ଯେଉଁ ହାର ପିନ୍ଧିଥିଲା ଏହାର ଦାମ୍ ୩ ମିଲିୟନ ପାଉଣ୍ଡ୍ ଥିଲା।
ଥାୟଲେନ୍ ଫୁଟବଲ୍ ଖେଳାଳି ପେଟ୍ରିକ୍ ବ୍ଲୋଣ୍ଡେୟୁ ଏବଂ ଫ୍ରାନ୍ସ ମଡେଲ ବେରୋନିକାଙ୍କ ଝିଅ। ଥାୟଲେନ୍ଙ୍କୁ ଏବେ ୨୦ ବର୍ଷ। ତାଙ୍କର ଇନ୍ଷ୍ଟାଗ୍ରାମରେ ୪୦ ଲକ୍ଷରୁ ଅଧିକ ଫଲୋଅର୍ସ ଅଛନ୍ତି। ସେ ତାଙ୍କ ନିଜ କ୍ଲୋଣ୍ଡିଂ ବ୍ରାଣ୍ଡ୍ର ସୋସିଆଲ ମିଡିଆରେ ପ୍ରମୋଟ କରୁଛନ୍ତି।